Descargar. - Coordinadora Galega de ENDL

que por todos redobran,
e tamén se ouvirán polos escuros,
non recollerán no coral de bronce
a dimensión da nosa desventura.
Por ti, Daniel, a máis dos campanarios,
siñaleiros da morte empadroada,
han de dobrar, da vida, acentos novos;
han de dobrar as cordas dos espíritus;
das cousas, seus metales:
das cousas,
nas que os homes deixamos en anacos
os anacos da ialma.
4
Alá lonxe
Que se escoiten agora
seus líquidos acentos alá lonxe,
vibradoiros na libre
rede dos merindiáns ultramarinos.
E mergullen, Daniel, no mesmo pranto
os ronseles postreiros
das túas signaturas á deriva
abraiante de Marte;
dende o trópico a foro pintigado
ao balbordo de Hudson, e ás peladas
serras de Araucania.
En Cuba se derramen, e no Mare
de Cortés, e no ardente
mato dos bandeirantes paulistamos
e nas punas do inca,
e nas pampas do gaucho cabalgadas,
con Don Segundo Sombra polos médanos.
Océano de terras
5