PDF - Consello Galego de Cooperativas

• A facturación das cooperativas asociadas a Cooperativas Agroalimentarias incrementouse nun 53,7%. • As cooperativas top 10 rexistraron un incremento do emprego do 79,4 %. PLAN DE INTEGRACIÓN COOPERATIVA Concentración e integración cooperativa para equilibrar a cadea de valor O sector agrario español e comunitario leva varios anos sometido a unha crise xeneralizada de prezos e de mercado, con raíces no desequilibro da cadea de valor e a alta volatilidade dos prezos das materias primas. Esta perda de renda da produción agropecuaria, sen o amparo de mecanismos de regulación na PAC que poidan corrixir as tensións existentes no mercado, provoca que, hoxe en día, a renda real dos agricultores sexa similar á de hai unha década. A cadea de valor caracterízase por un sector produtor altamente atomizado e unha gran distribución moi concentrada. Para corrixir esta situación o único camiño factible e viable son as cooperativas. En España existen case un millón de produtores, unhas 4.000 cooperativas e algo máis de 30.000 industrias agroalimentarias. Fronte á disgregación da oferta, o sector da gran distribución conta con tan só cinco empresas que concentran o 62% del comercio minorista en España. Por isto é fundamental actuar na integración das cooperativas para acadar os tamaños desexados. Concentrar a produción agroalimentaria en cooperativas Esta desorganización do sector agrícola provoca que os produtores e as súas cooperativas non poidan defender un prezo e unhas condicións de contratación equilibradas, que lles permitan desenvolver a súa actividade con perspectivas razoables de rendibilidade. Así, os agricultores non teñen capacidade de negociación nin ante as estratexias dos seus provedores de inputs (fertilizantes, 18