PDF - Consello Galego de Cooperativas

O ENCONTRO INTERNACIONAL Neste 2012, como Ano Internacional das Cooperativas, a Xunta de Galicia en colaboración coa ACI, con asociacións e entidades cooperativas e con outras institucións, organizan o Encontro Internacional Cooperativo co obxectivo de intercambiar experiencias e dar a coñecer boas prácticas cooperativas de distintas partes do mundo. Trátase dun encontro no que se unen diferentes voces do cooperativismo de Galicia e do resto de España, de Europa e de América, que proclaman unha premisa común: as cooperativas contribúen a construír un mundo mellor. Estas xornadas, que se realizan o xoves 5 e o venres 6 de xullo, son unha fiestra para dar a coñecer estratexias de éxito de cooperativas, non só a nivel local e autonómico, senón tamén, nacional e internacional. Este encontro, que será inaugurado polo Presidente da Xunta de Galicia, don Alberto Núñez Feijóo, contará coa presenza do Vicepresidente da Alianza Cooperativa Internacional, don Felice Scalvine (tamén presidente de Cooperativas Europa). Nesta xornadas presentaranse unha serie de experiencias de boas prácticas e de cooperativas exitosas, tanto no aspecto económico como social, de distintas partes do mundo. Neste contexto, realizarase varias mesas redondas e relatorios para a posta en común de proxectos cooperativos: Ø Unha mesa redonda sobre as cooperativas dos servizos sociais, onde os asistentes poderán coñecer as claves para conseguir que estas sexan competitivas e de importante impacto social. E isto será da man dun grupo de conferenciantes que destacan polas súas experiencias no ámbito dos servizos sociais de España. Así, L’Olivera cooperativa de integración social de Cataluña, Servicios Sociales Integrados de axuda a domicilio de Euskadi, a estremeña Cooperativa ServiMayor e 56