PDF - Consello Galego de Cooperativas

A DECLARACIÓN DO CONSELLO GALEGO DE COOPERATIVAS O Consello Galego de Cooperativas, como máximo órgano de promoción e difusión do cooperativismo de Galicia, brinda o seu apoio a este Ano Internacional das Cooperativas. Neste senso, o Consello ten programadas diversas actividades co fin de impulsar o cooperativismo e dar a coñecer todas as súas fortalezas á sociedade galega. Así, o 1 de xuño do 2012, o Consello Galego de Cooperativas aproba a seguinte declaración institucional: “A ONU proclamou o ano 2012 como Ano Internacional das Cooperativas, destacando a súa importante contribución á construción dun mundo mellor e alentando aos estados membros e a todas as persoas e entidades interesadas, a promover as cooperativas e aumentar a conciencia sobre a súa contribución ao desenvolvemento económico e social. O Consello Galego de Cooperativas súmase a este Ano Internacional cas Cooperativas e declara a importancia e carácter nuclear que ten o cooperativismo, como elemento de creación de riqueza e benestar social en Galicia e, particularmente, a súa contribución a un desenvolvemento equilibrado e harmónico dos distintos territorios e das súas xentes. As achegas que realiza o cooperativismo galego cómpre significarse tanto no aspecto cuantitativo, no que destacan os 88.000 socios agrupados ao redor de 1.136 entidades, como no aspecto cualitativo, polas súas achegas ao desenvolvemento de distintos sectores económicos, pola súa aposta polo emprego de calidade, e pola súa vocación social. Non obstante, aínda queda moito potencial por desenvolver. Sendo importante a labor de divulgación e fomento do cooperativismo, ten marxe de actuación e mellora. E nese obxectivo cómpre implicar a todos os actores sociais, 6