PDF - Consello Galego de Cooperativas

EUROPA E O COOPERATIVISMO Abordando o caso europeo, as cooperativas teñen unha presenza moi significativa, aportando certa estabilidade a un modelo económico actualmente flutuante. Tamén neste marco xeopolítico, as cooperativas demostraron ser capaces de achegar unha solución sostible e economicamente competitiva para a fusión da sociedade da información e o desenvolvemento socioeconómico. Europa conta con 160 mil cooperativas que se traducen en 5.400.000 empregados. O modelo ten unha representación de 123 millóns de membros europeos cooperativistas. Casos como o de Finlandia no que o 75% da poboación é membro dunha cooperativa, ou o de Alemaña, país no que os bancos cooperativos teñen máis de 16 millóns de membros, evidencian a acollida e adaptación do modelo cooperativo tamén nas contornas máis desenvolvidas. E hai máis: • En Francia, as empresas cooperativas proporcionan case 1 millón de postos de traballo, o que representa case o 3,5% de todo o emprego do país. • En Bélxica, 1 de entre 5 farmacias é unha cooperativa. • En Italia, o 50% do sector agroalimentario está xestionado por cooperativas e existen 34.000 cooperativas de servizos. • En Polonia, 1 de cada 3 persoas vive nunha casa que pertence a unha cooperativa. 49