PDF - Consello Galego de Cooperativas

AS COOPERATIVAS NO MUNDO O cooperativismo convértese nun modelo económico e social, con cada vez máis presenza a nivel internacional. Os datos falan por si mesmos: máis de 800 millóns de socios e máis de 100 millóns de empregos a nivel mundial é o que representan as cooperativas no mundo, facendo que na balanza do emprego a bandexa do paro se alixeire. A súa creación de postos de traballo supón un 20% do que representan as firmas multinacionais, o que as conforma coma un modelo en crecemento e de impacto positivo na contorna social e, mais concretamente, na laboral. Máis de 800 millóns de socios e máis de 100 millóns de empregos a nivel mundial Moitos países emerxentes teñen na súa economía unha presenza cada vez maior de cooperativas. Este é o caso de Brasil, no que o modelo cooperativo é o responsable de que o PIB agrícola acade o 37,2%, e o 5,4% no caso do PIB total. A estes datos hai que engadirlles que as cooperativas brasileiras acadaron preto de 300 millóns de dólares en exportacións. Outros casos significativos son os de países pobres que atopan no cooperativismo unha estrutura económica que non potencia as desigualdades socias existentes se non que, pola contra, achegan un crecemento máis xusto e ao mesmo tempo, rendible. En Brasil o 37,2% do PIB agrícola provén de cooperativas. Logros económicos parellos ao desenvolvemento social digno. Outro caso no que o cooperativismo se amosa como unha vía de desenvolvemento é o de Kenya, onde as cooperativas de aforro e crédito contan con activos por valor de 2.700 millóns de dólares, o 31% de todo o aforro nacional bruto. 48