PDF - Consello Galego de Cooperativas

Ø Representar o movemento cooperativo de traballo asociado a nivel autonómico, estatal, comunitario e internacional. Ø Promover nas empresas que agrupa e na sociedade en xeral os valores propios da cultura solidaria que inspira os principios cooperativos: xestión democrática, propiedade colectiva, autonomía e independencia, intercooperación, formación permanente e interese polo desenvolvemento sostible da sociedade. Ø Atender e dar resposta as necesidades das 112 cooperativas asociadas. Dende a Unión e dende as cooperativas asociadas, deféndese o autoemprego colectivo como forma de traballo, tanto polas dificultades de creación de emprego que ten o mercado laboral como polas vantaxes e valores que presenta a empresa cooperativa como organización igualitaria e participativa. As actividades que se realizan dende a Unión de Cooperativas UGACOTA, clasifícanse en tres áreas de traballo: Actividades de representación à Estas actividades realízanse estando presentes en diversos organismos públicos e privados de distinto ámbito, de natureza pública ou privada. Ademais UGACOTA é membro da Confederación Española de Cooperativas de Trabajo Asociado (COCETA), o que permite actividades con Unións e Federacións do resto do estado e o acceso e representación en organismos estatais e internacionais. As tarefas de representación realízaas o/a Presidente/a e/ou a Xerente mediante contactos persoais cos representantes e/ou responsables de cada entidade. Así tamén asístese ás convocatorias que, para tratar diversas cuestións, nos chegan dende os propios organismos Actividades de servizos à Neste apartado abránguense tanto os servizos de asesoría e xestión como os servizos de formación. 77