PDF - Consello Galego de Cooperativas

O EMPREGO COOPERATIVO O marco do emprego en Galicia experimenta unha progresiva perda de poboación no sector primario e, ao mesmo tempo, un incremento do sector secundario e nos servizos. Ademais existe maior diferenza entre a taxa de desemprego feminina e a masculina e unha forte concentración da taxa de paro nos tramos comprendidos entre os 20 e os 34 anos. Ademais hai unha evidente alta taxa de temporalidade, que no primeiro trimestre do 2012 sitúase no 22,8%. Neste negativo contexto da situación laboral, o cooperativismo amosa a faciana máis positiva como creador de numerosos postos de traballo de calidade. O cooperativismo estimula a creación de numerosos postos de traballo de calidade. Máis do 2% dos ocupados galegos están vinculado ao cooperativismo. Cífrase nun 46,5% o peso da muller dentro do total de socios traballadores nas cooperativas, unha proporción que, malia a sinalada caída no sector téxtil onde predomina o emprego feminino, sobe ata o 52,94% nas cooperativas creadas nos últimos dez anos. É superior á importancia da ocupación feminina no conxunto de ocupados en Galicia, o que evidencia as posibilidades do cooperativismo na xeración de emprego para a muller. No total de socios traballadores nas cooperativas o peso da muller representa un 46,5%. Pero a incidencia das cooperativas non só se pode analizar desde as cifras. Desde a perspectiva cualitativa, as cooperativas crean emprego de calidade e contribúen eficazmente á satisfacer as necesidades dos seus socios, tal e como manifestan 8 de cada 10 socios de cooperativas de traballo asociado. Ademais os socios mostran unha actitude máis optimista sobre o seu futuro laboral nas cooperativas, onde 7 de cada 10 levan traballando máis de cinco anos. A estabilidade no emprego e as boas condicións de traballo supoñen un aliciente para os cooperativistas que son conscientes de que se atopan nunha sociedade de persoas e non de capital. 46