PDF - Consello Galego de Cooperativas

Ademais do servizo de intercooperación, SINERXIA facilita outros tamén significativos ás cooperativas e unións asociadas, tales como a formación, a representación, labores de investigación e de divulgación. QUE É E A QUEN INTEGRA UGACOMAR? A Unión de Cooperativas do Mar de Galicia – UGACOMAR é unha organización autónoma sen ánimo de lucro, que é parte do asociacionismo cooperativo galego, e o seu ámbito territorial é a Comunidade Autónoma de Galicia. Constituída en 2008, asocia a cooperativas do mar integradas por titulares de explotacións e profesionais adicados a actividades pesqueiras, marisqueiras, acuicultura e derivadas. Esta Unión presta servizos para a mellora económica e técnica das actividades profesionais e das explotacións das súas socias. UGACOMAR integra a 6 cooperativas que aglutinan a un total de 850 socios/as e facturan un total de 13.700.000 €. As sociedades cooperativas galegas constituíntes son: Amegrove, Ría de Arousa, Mar do Morrazo, Cíes Artesanais,Artesanos do Mar e Samertolameu. Son cooperativas dedicadas á pesca de baixura, o marisqueo, a produción de mexillón e a faena coa arte de nasas, que se uniron para lograr representación a nivel oficial e sectorial. CAL É O OBXECTO SOCIAL DE UGACOMAR? O obxecto social da Unión céntrase na defensa dos intereses comúns de todas as cooperativas do mar de Galicia e os seus socios agrupados, tanto nas súas relacións coa Administración Pública como nas particulares. Tamén impúlsase o fomento do Cooperativismo do Mar mediante a prestación aos seus membros dos servizos que soliciten. 81