PDF - Consello Galego de Cooperativas

4. Remitirá anualmente ao Parlamento de Galicia unha memoria sobre as actividades realizadas no eido do cooperativismo en Galicia. Estas actuacións lévanse a cabo a través da consellería competente en materia de traballo, na actualidade a Consellería de Traballo e Benestar, sen prexuízo das competencias doutras consellerías en función da actividade empresarial que desenvolva a cooperativa. Dentro da Consellería de Traballo e Benestar o órgano que ten atribuída a competencia é a Dirección Xeral de Relacións Laborais, que conta para o seu exercicio coa Subdirección Xeral de Cooperativas e Economía Social. Nas funcións que teñen atribuídas estes órganos destaca a labor de fomento do cooperativismo, a través da xestión de programas de incentivos e de proxectos de dinamización e apoio ao cooperativismo dirixidos, particularmente, ao emprendemento e a creación de emprego. Mención especial merece a creación da Rede Eusumo para o fomento do cooperativismo e a economía social, formada por entidades públicas e privadas interesadas en fomentar o cooperativismo e pola propia Xunta de Galicia, a través da que se realiza gran parte da labor de fomento e que permite incrementar os recursos e rendabilizalos adecuadamente. A Rede Eusumo está impulsada pola Consellería de Traballo e Benestar para o fomento do cooperativismo e a economía social. Os obxectivos da Rede son a promoción e fomento do cooperativismo e a economía social, do emprendemento, e da creación e consolidación de emprego, no ámbito local, comarcal e transfronteirizo. A Rede realizará todo tipo de actividades encamiñadas ao cumprimento dos obxectivos indicados no epígrafe anterior Dentro das funcións exercidas pola Consellería, cómpre citar igualmente o servizo público prestado polos rexistros de cooperativas, onde se inscriben as sociedades cooperativas galegas e os seus actos, para público e xeral 71