mart 2010 bülteni çıkmıştır - Türkiyeliler Birliği

LADĠNO
El tradisyonal Maraton de Ladino
organizado por el Sentro Naime i
Yehoshua Salti por los Estudios de Ladino
i su Kultura, tuvo lugar el 11.Enero.2010
en el auditorio Wohl de la Universidad
Bar-Ilan delantre de una grande asistensia.
Prof. Shmuel Rafael, Direktor del
Sentro, avrio el Maratón deskriviendo el
nivel alto ke esta institusyon alkanso i
rengrasyo sus ayudantes ke organizaron
este dia.
Prof. Eliezer Tauber, Dekan de la
Fakultad de Siensias Judaikas, apunto la
importansia del Sentro de Ladino en esta
Universidad i el lugar ke okupa la kultura
Sefaradi en las relasyones kon los Judios de
Turkiya.
El primer konferensiante Dr. Yaron Ben
-Naeh se konsentro en los testamentos de
los Judios desde el siglo 16. Meldando un
testamento del siglo 18, Dr. Ben-Naeh
ekspliko ke de estos testamentos mos
embezamos la formasyon de la famiya
Judia ansi ke la importansia de los
objektos ke eyos nesesitavan. Lo ke mas
deshavan a los miembros de la famiya era
dinero, djoyas, inmuebles, livros,
vistimienta, tapetes i artikolos de kaza.
Aviyan djente ke demandavan en el
testamento de ser enterrados en
Yarushalayim i akeyos ke permetian a sus
espozas bivdas de kazarsen de nuevo.
Dr. Orli Meron apunto al trokamiento
demografiko en los Judios de Turkiya.
Entre 1927 i 1945 bivian 85.000 Judios
donde 48.000 en Istanbul i el resto en
diferentes partes de la Anatolia. Después
del pogrom de Trakya, la poblasión de este
lugar abasho a unas kuantas famiyas.
Komo no aviya bastante eskolas en el siglo
19, los mansevos se ivan a la Europa para
estudiar. Munchos no tornavan. Kon la
avyertura de la Alliance Israelita, las
mujeres tambien empesaron a estudiar i
salir a lavorar. Kon la fundasayon del
Estado de Israel, munchos ke sufrieron del
Varlik Vergisi i los ke eran flakos
ekonomikamente emigraron a este nuevo
payis deshando en la Turkiya komo 20.000
Judios.
Dr. Rut Barzilay Lombrozo avlo sovre
la mujer Judia en el Imperio Otomano,
Eyas no tenian muncha instruksion i no
salian muncho afuera, ma tenian un rolo
muy importante en sus kazas. Los
kazamientos se azian solo kon la
aprobasyon de los parientes. Una ke no
tenia ashugar no se puedia kazar. El dia de
LADĠNO
LADĠNO
19en MARATON DE LADINO
Grande Asistensia – Konferensias Enteresantes – Reushidad Kompleta
lavado era fikso en kada kaza.
Ma, kon la deklarasyon de la
Republika Turka, la forma de
bivir se troko muncho. La
mujer dyo muncha importansia
a los estudios i se izo mas
independiente.
Sara Pardo, kombidada de
Izmir, konto la istoria de la
komunidad Judia de Izmir ke
se fundio en 1605 ansi ke la
forma de bivir de los Judios
asta nuestros dias. En el siglo
17, esta komunidad kon una
poblasión de 10.000 almas
bivyó su perioda de gloria asta
la aparisyon de Shabtay Tsvi ke
kavzo la dekadensia. En el mismo siglo los
imigrantes konversos ke yegaron de Europa
kon ideas de la revolusyon Franses i
muncho dinero kavzaron tambien
konfliktos kon los Sefaradies de la sivdad.
En el siglo 19, kon la fundasyon de las
eskolas Alliance Israelite, los Judios se
desveloparon mas i en el siglo 20
empesaron a espartirsen en diferentes
barrios de la sivdad. Empesaron a merkar
bienes, terenos, kazas de invierno i de
enverano. El komersante Izmirli es
konosido komo honesto. El mentiene
siempre su palavra, es lavoriozo i esta en
buenas relasyones kon todos. La mujer ke
estava dia entero en kaza, oy tiene el
korasón en la kaleja., aziendo kompras,
vijitando amigas i pratikando spor. Las
madres se azen prostelas de los ijos para ke
eyos reushken en sus estudios. Izmir es un
paradiso. Si no ay un grande punchon,
komo un evenimiento polítiko, no mos
meneamos de Izmir. En la sinagoga Bet-
Israel se organiza nochadas kulturales para
el grande publiko. (En este punto, Sara
Pardo sito munchos nombres ke
kontribuaron a la kultura i al arte.) El
konflikto Israelí-Palestiniano aze mas poko
bruido en Izmir ke en Istanbul, porke los
Judios son mas pokos en Izmir i el puevlo
es mas aklarado i laiko.
Sara Pardo termino en diziendo ke la
komunidad de Izmir es famoza kon su
hospitalidad, yena de vida, de karinyo, de
kerensia, kon una historia rika ke mos da
orgolyo de ser Judios.
David Angel avlo sovre los Israelianos
Turkanos ke kontribuaron al Estado de
Israel sin azer muncho bruido. Todos los
imigrantes ke vinieron de Turkiya se
integraron en todos los kampos komo la
Selim Salti
LADĠNO
armada, el komerso, la industria, la
medisina i todas las siensias. El sito
munchos nombres ke se adelantaron en sus
ramos kon grande sukseso ma kon
modestia. David apunto tambien los
martires turkanos ansi ke komandantes
renomados.
Selim Amado tambien avlo sovre el
mismo sujeto. El ekspreso ke los turkanos
detuvieron sus identidad i guardaron sus
uzos i kostumbres. Eyos no demandaron
nada del governo i no se mesklaron en la
polítika. Una grande partida de la manseves
de Izmir, impresionada por el koryente
sionista izyeron Aliya kon la fundasyon del
estado i lo mas se instalaron en los
kibutsim. Los imigrantes de 1970-1980
eran de situasyon sosyo-ekonomika mas
alta i kontinuaron la misma forma de bivir
komo en Turkiya.
Selim Amado ekspliko tambien siertas
aktividades de la Hitahdut Yotsey Turkiya.
Una Ola Hadasha de pokos anyos, Fiona
Kohen, meldo un pasaje de un romanso de
Orhan Pamuk, famozo eskritor Turko ke
gano el primio Nobel de literatura atrás doz
anyos.
En la segunda partida del Maratón,
Selim Salti fundador de la Fundasyon Salti
i el Sentro de Ladino, ekspreso su plazer de
toparse de nuevo kon sus konpatriotas. El
apunto ke es un dover de renforsar las
relasyones kon la Turkiya i kon la
komunidad Judia de este pais. El termino
sus palavras kon la esperansa ke este
maratón kedara komo un rekuerdo
inolvidavle.
Prof. Moshe Kave, Prezidente de la
Universidad, alavo la kontribusyon del
Sentro Salti a la Universidad Bar-Ilan. El
) Kontinua en la p. 14(
13