9 Temmuz 1937; Makyevelizmin, kemalizme dönüştürülen

Dîsmenu çef ra deste hu héné kerdi,
Alişer vano
Ma vame, na çî juina, na séné braia nêa nena
Tîrkû her çié ma gureto,hale ma hêşiria
Čengé tirku de mîleté ma qîr bi qedia
Vêsan û têsan vîme Çeûne ma de sorxaz çine vî
Her ča de yîne ma kerdime herrê bari,niştro ma ser
Nê wuazene qê poşta ma’ra endi béréne wuar
Ala rèe niadénê dûlgeriné binû de derd û ciran
Bîné lîngûne tîrkude kess nê mendo na dina de ma’ra qêéri
Ju ma bime bomm, ma boa hérénié gureta çik a?
Bérene têde pia juvime ra’urjîme lingune hu ser
Ma khe ewrû sarê nê werda hu ser çek nê gûret desté ho
Meste têdê Kîrmancû dina’ra daré wé, bene vindi sonê
Kîrmanc çûtîr coamerdia hu cirtè kerdene osneno’ra dina
Ma kî hen juvime, mufrézé tîrku ma ver hen vozdane sone
Sîma rînd şehr bî kerene, mufreze tîrku kamo ma kami me?
Va mordem bî mîro nê mano bê welat
Endi beso zîlmo khe tîrku ardo saré ma serdé
Tirki ho ho’re vane “ Kîrmancî herré maé”
Ma nê wuzeme rié tirku bi vinime welate ho de
Domone ma tirku ju hessu û vergu vinene
Tirki jî hessu her çi wene sero ki mija hu kene
Vane Kîrmancî mordem nié,va têde pia bî mîre,
Ma guréeme,pozeme amé ver,
Tirki eve zor desté ma’ra céné béné
Xêrê çekune gîranu’ra bié cengaver
Yiyè khe verva taburune lazu danê pêrô, béné wuairé xêri
Yiye khe çeune ho’de nisene ro, mordem niè, tuaire nê bené
Dîsmen pê hale ma huyno
Ma Kongre mongre tuha ki nê wuazeme,
Pôşta ma nê nîsé, Pôşta ma’ra béré wuar, ma’re nê ve bar
Zavîtûne yîne astike ma vîlesnai ro,astike ma koti qêdênaî
Ma zoneme her çiye na welati pasai wené
Côka seré welate ma mîz û dumané voré gureto
Çekê maé girşi khe deste ma de bî vîéné
Kess tîrkû’ra nê tersene
Bêguman dewlete dulgeri hevaltiya Kongra kene
Mufreze tirku Kirmancu qîrkene, kîsene
Dulgeri tei nê niadané nê vinene
Fîrna wendiskarune ma qonax û taxtû de hewa ra wa
Yîye khe hevaltiya Kongra kené bê bextié kené
Ma zoneme dismeno tirk baqîl o, hilekâr o
Pôşta wendiskarune ma wess tîmar keno
Hata khe kare hu xelesna,qedena berd ser
Dismen Pôşta wendiskarune ma tîmar keno
Yîye khe raştia welati hona fam nê kene
Ma khe ju vime, beme wuaire karê welate hu
Ma vane endi zîmîston besso,
va zîmîston şerro endi usari me vindo bero.
14