Create successful ePaper yourself
Turn your PDF publications into a flip-book with our unique Google optimized e-Paper software.
4. Şu cân kim oldı anun ‘ışkı dârına Mansûr<br />
Vücûd leşkerinün kahrına muzafferdür<br />
5. Yürür matiyye-i nefsüm yolunda sürçe düşe<br />
İrürse menzile tan mı tapun çü reh-berdür<br />
6. ‘Aceb mi ‘azb olur ise ‘azâb-ı nâr-ı belâ<br />
Ana ki ‘ışkun odında dili semenderdür<br />
7. Safâ-yı kalb ile şâd eyle Hamdî bendeni kim<br />
Küdûret-i gam ile hâli gey mükedderdür<br />
27<br />
1. Güneş yüzüngöricek şerm idüp sehâba girür<br />
Ne vasfa sıgdı cemâlün ne hod kitâba girür<br />
2. Tolar hevân ile sînem gönülde cûş olıcak<br />
Temevvüc eylese deryâ hevâ habâba girür<br />
3. Cihâna ‘arz ider ol bî-vefâ güneş yüzini<br />
Belâlu ‘âşıka karşu niçün hicâba girür<br />
4. Didüm hisâb ile cevr it didi bizüm ilde<br />
Ne nâza defter olur ne cefâ hisâba girür<br />
5. Çıkarma yüz suyıyile hevâ odın elden<br />
Sana kalan odur ey Hamdî ten türâba girür<br />
28<br />
1. Yine gönülde heves bir nigâra olmışdur<br />
Ki hüsni nakşı henûz âşikâre olmışdur<br />
2. Ne serv olur sanemâ kâmetün ki reşkinden<br />
Sanavberün yüregi pâre pâre olmışdur<br />
3. Ne turfa-tıynet imiş sîne-i rakîbün kim<br />
Hased odına yanup seng-i hâre olmışdur<br />
4. Ne lu’bet ile kılur raksı çerh-i gerdûn kim<br />
Gönül elinde anun çâr-pâre olmışdur<br />
5. Cihânda Hamdî kamu fahrı fakra tebdîl it<br />
Bu demde gerçi taleb iftihâra olmışdur
Change language