Create successful ePaper yourself
Turn your PDF publications into a flip-book with our unique Google optimized e-Paper software.
1. Dehenün bûsesine alur isen cânı ‘ivaz<br />
Şübhe yok cânı olanlar viriser anı ‘ivaz<br />
2. Nesme-i kûyun ile cûşa gelür bülbül kim<br />
Almazam şemmesine bûy-ı gülistânı ‘ivaz<br />
3. Dil Halîli elem-i derdün içün cân virdi<br />
Bir ciger-gûşe içün eyledi kurbânı ‘ivaz<br />
4. Virmezem sünbülüni nâfe-i Tâtâra bedel<br />
Almazam leblerüne la’l-i Bedehşânı ‘ivaz<br />
5. Dil-i Hamdî mey-i sevdân ile ser-mest olalı<br />
Virdi bir hayrete yüz bin ser ü sâmânı ‘ivaz<br />
77<br />
1. Yazdı kitâb-ı hüsnüne hatt-ı gubâr hat<br />
Kıldı gül üzre rîze-i müşki nisâr hat<br />
2. Seyr eylemege cennet-i kûyunda ‘îş iden<br />
Kevser lebün kenârın ider sebzezâr hat<br />
3. Toprak başına hat gibi ol ehl-i hâmenün<br />
Hattuna benzedem diyü yazdı gubâr hat<br />
4. Mûsî kerâmetin yed-i beyzâda ‘arza kıl<br />
Fir’avn kavmi gibi ola târmâr hat<br />
5. Gülşen letâfeti nitekim sebze iledür<br />
Hamdî cemâl revnakıdur âşikâr hat<br />
78<br />
1. Her kanda zebânum ki ola ismüni lâfız<br />
Bin dil bulınur anda ki cümle anı hâfız<br />
2. Fikr itse nihâyet bulımaz hüsnüne ‘âkil<br />
Zikr eylese gâyet bulımaz vasfuna lâfız<br />
3. ‘Işk olmasa âdemde hemân mürde gibidür<br />
Var kendü ölün agla beni aglama vâ’iz<br />
4. Çün penbe-i gaflet gide cânun kulagından<br />
Gûş eyleyesin cümle mevâzı’da mevâ’iz<br />
5. Kapundan ırag itdi felek Hamdîyi ammâ<br />
Yok lahza ki olmaya cemâlüni mülâhız
Change language