You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
141<br />
1. Kaddün ‘alemi göstereli peyker-i fitne<br />
Cân kişverini gâret ider leşker-i fitne<br />
2. Ma’mûr ideli bâg-ı cemâli yed-i kudret<br />
Bitürmedi kaddüngibi bir ‘ar’ar-ı fitne<br />
3. ‘Arz id yüzüni suhf-ı cemâli okusunlar<br />
Çöz zülfüni kim şerh olına defter-i fitne<br />
4. Dir halka-i zülfünde ruhun görse müneccim<br />
Bu devr içinde görinür ahter-i fitne<br />
5. Ham kılmış idi kaddümi çenber bigi zülfün<br />
Olmamış idi çarha dahı çenber-i fitne<br />
6. Çün fitne imiş ‘âleme güftâr-ı mahabbet<br />
Açma dehenün Hamdîyapılsun der-i fitne<br />
142<br />
1. Vardı elüm irişmedi ol serv-kâmete<br />
Eyveh nidem ki kaldı bu hasret kıyâmete<br />
2. İtsün katîl-i gamzesine nâz-ı bî-hisâb<br />
Zîrâ hisâb yok durur ehl-i şehâdete<br />
3. Sa’y ile vasl-ı yâra kimesne irişmedi<br />
Tâli’ gerek ki tâlib ola ire devlete<br />
4. Bir kılı Mânî kırk yarup kılsa kıl kalem<br />
Yazmaz miyânı nakşını tahsîn bu dikkate<br />
5. Geçdi nigâr u Hamdî izine yüzin sürer<br />
‘Ömri geçe irişmeye bu denlü devlete<br />
143<br />
1. Ey gönül cân vir yine cânânuna<br />
Derde düş kim iresin dermânuna<br />
2. Didüm ey dil-ber lebüne teşneyem<br />
Didi miskîn susadun mı kanuna<br />
3. ‘Ömrümün tûmârını dürdüm şehâ
Change language