You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
84<br />
1. Cân mı var kim gamzen okından cigerde tîri yok<br />
Taş ola ol dil kim andan sînede te’sîri yok<br />
2. Zülf ü ruhsârun hevâsından dem urmasun o kim<br />
Âh-ı subh-efrûzıyile nâle-i şeb-gîri yok<br />
3. Hatt-ı Yâkûtı muhakkak hatt-ı la’lün nesh ider<br />
Sen sanem misli nitekim Mânî`nün tasvîri yok<br />
4. Taglar deldi figânum kalbüne kâr eylemez<br />
Taşlara kâr eyledi âhum ana te’sîri yok<br />
5. Hamdî takdîre siper olmaz çü tedbîr-i Hakîm<br />
Ehl-i tedbîr ol durur ‘âlemde kim tedbîri yok<br />
85<br />
1. Ey perî şânun durur diller perîşân eylemek<br />
‘Âdetidür gamzenün bir demde bin kan eylemek<br />
2. áırre olma hüsne kim bu rûzgârun kârıdur<br />
Yûsuf-ı Mısr`ı esîr-i çâh-ı zindân eylemek<br />
3. Kanlu yaş ile gerek şimden girü rüsvâ olam<br />
Niçe bir gamzen okın sînemde pinhân eylemek<br />
4. Gelme zahmet olmasun ben haste üzre ey tabîb<br />
Derd var iken gerekmez bana dermân eylemek<br />
5. Cân idinüp Hamdîcânânı kılurdı terk-i cân<br />
Elde olaydı kişi kendüsine cân eylemek<br />
86<br />
1. Bir içim sudur meger ey gamze peykânun senün<br />
Teşne-diller yalmanur gördükçe yalmanun senün<br />
2. Âdemi zinde kılur dirler hayâtun çeşmesi<br />
Öldürür ben teşne-cânı âb-ı hayvânun senün<br />
3. Bu zenehdân içre kim düşmişdür ol hâl-i garîb<br />
Niçe miskînler düşüre çâh-ı mihmânun senün<br />
4. Devr-i hüsnünde lebün lezzet virür ‘âşıklara<br />
Mısrî şekkerler bitürse nola dükkânun senün