Create successful ePaper yourself
Turn your PDF publications into a flip-book with our unique Google optimized e-Paper software.
Yasag içün dü cânibde dü Hindû pâsbân asmış<br />
3. Meger şîrîn dehânundan şeker lezzet ugurladı<br />
Dükân öninde anunçün anı ehl-i dükân asmış<br />
4. Cemâlün câmi’in ma’mûr iden tezyîn içün anı<br />
Ser-i zencîr-i zülfünde niçe kandîl-i cân asmış<br />
5. Sakın baglama ey Hamdî gönül dünyâ ‘acûzına<br />
Ki kolın boynuna anun niçe pîr ü cüvân asmış<br />
74<br />
1. Ol kamer kim gün gibi şekl-i müdevver baglamış<br />
Lâle gibi ruhlarında la’l-i ahmer baglamış<br />
2. Leblerinden lezzet alursa ‘aceb mi sa’y ile<br />
Ney-şeker gibi o kim bilin mükerrer baglamış<br />
3. Mısr-ı hüsnin korkaram âhir harâb ola diyü<br />
Hatt-ı dil-ber kim had üzre saff-ı leşker baglamış<br />
4. Ey niçe başlar keser zulm ile devr-i bî-amân<br />
Sûsen anunçün biline tîg u hançer baglamış<br />
5. Hamdî medh itmege gül yüzlü güzeller hüsnini<br />
Rengîn evrâk üzre yine tâze defter baglamış<br />
75<br />
1. Bu dem ki pîr-i mugândan irişdi bâde-i hâs<br />
Nihân içen anı rindâne gamdan oldı halâs<br />
2. Lebine diş bilerem zahm uralı cânuma yâr<br />
Buyurdı hakkumı çün hükm-i “el-cürûhi kısâs”<br />
3. İ zülf-i yâr beni penbe gibi dögse gamun<br />
Koman men ol gamı Hallâc gibi dâruna as<br />
4. Muhît-i ‘ışka talup dürr-i ma’rifet mi bulur<br />
Çıkarmayınca vücûdı libâsını gavvâs<br />
5. Gönül kitâbına Hamdînazar kılup gördüm<br />
Ki ‘ışka hâtime imiş nihâyet-i ihlâs<br />
76