Create successful ePaper yourself
Turn your PDF publications into a flip-book with our unique Google optimized e-Paper software.
4. Bu haste câna ne hâcet ki zahm-i tîg urasın<br />
Murâdun ölmek ise bir nazar kifâyet ider<br />
5. Şeker hikâyetini tûtî zevkden unıdur<br />
Kaçan ki Hamdî lebünden haber rivâyet ider<br />
42<br />
1. Şevk ile her kim cemâlün şem’ine pervânedür<br />
Yiri nûr olsun anun kim anladı pervâ nedür<br />
2. Bûy-ı cân-perver gelür bâd-ı sabâdan her nefes<br />
Kâkül-i müşkînüne cânâ meger kim şânedür<br />
3. Dögmek ile sînemi kûyuna karşu delmişem<br />
Revzenin firdevse açdum gerçi kim vîrânedür<br />
4. Muhtesib mey-hâneye mühr urdı ammâ bilmedi<br />
‘Âlemün her gûşesi ‘âriflere mey-hânedür<br />
5. Zâhid-i hüşyâr olan bu Hamdî-i şûrîdeyi<br />
Niçe mey-hwâr anlamasun kim sözi mestânedür<br />
43<br />
1. Haddün gibi çemende ne nâzük semen biter<br />
Kaddün gibi ne nâzı güzel nârven biter<br />
2. Bustân-ı Mısrı hüsnüne kim nisbet eyleye<br />
Anda şeker bu ravzada şekker-şiken biter<br />
3. Gözüm yaşı ne Hızr-kerâmet durur ‘aceb<br />
Kim sebz olur yürüdügi yirde çemen biter<br />
4. Ey rûzgâr içinde vefâ hâsılın uman<br />
Bir dâne tohmı kalmadı hâsıl neden biter<br />
5. Hamdî zamâneden nice aglamasun bu dem<br />
Bir tâze gül giderse yirine diken biter<br />
44<br />
1. Cigerde dâgum içün şefkat ile tag aglar<br />
Yürekde sûzum içün rahm idüp çerâg aglar<br />
2. Ne meclis içre ki bagrum kebâbı yâd olına<br />
Acır şarâbı yanar şem’i vü kabag aglar
Change language