Create successful ePaper yourself
Turn your PDF publications into a flip-book with our unique Google optimized e-Paper software.
Yâkût-ı lebi ki kût-ı cândur<br />
4. Çeşmüme yüzi ziyâ virelden<br />
Sırr-ı dü-cihânî ana ‘ayândur<br />
5. Bu Hamdî zülâl-i vaslıyiçün<br />
Hecrinde yanar niçe zamândur<br />
63<br />
1. Meylüni nâza kılma [kim]bana gam-ı felek yiter<br />
Zahmumı tâze kılmaga gamdan iren nemek yiter<br />
2. İrmedi merd-i müdde’î ehl-i belâ gibi sana<br />
Ehl-i yakîne ey sanem sanma ki ehl-i şek yiter<br />
3. Şükr-i ta’âmı vâ’izâ sûfî-i lût-bâza ög<br />
Bana bu pendi itme ki ‘âşıka gam yimek yiter<br />
4. Mürşid-i râh-ı Hakk isen benden irâdet isteme<br />
Çünki rızâsı dil-berün ehl-i dile dilek yiter<br />
5. Hamdî kemâl-i sermedî hâlet-i ‘ışk ise eger<br />
‘Işk ile her gazâl içün sana gazel dimek yiter<br />
64<br />
1. Ey gönül her sanemün ‘ışkına yanmak niçe bir<br />
Çeşm-i hûn-rîzleri kanuma kanmak niçe bir<br />
2. Dil-berün zülfi hevâsında ruhı şevkıyıla<br />
Dem-be-dem yile uyup suya tayanmak niçe bir<br />
3. Dil berî eyle havâdisden ola yâr-ı kadîm<br />
Her gözün sevdügin ol dil-beri sanmak niçe bir<br />
4. Her gice haste gönül eski belâyile yatup<br />
Her seher bir yeni derd ile uyanmak niçe bir<br />
5. Hamdî gül yüzlülerün lebleri şevkında müdâm<br />
Cigerün gonca gibi kana boyanmak niçe bir<br />
65<br />
1. Pertevinden yüzüne kimse nigâh eyleyimez<br />
Nazara ol eseri mihr ile mâh eyleyimez