Testet Gjuha Shqipe 5 - Albas

88
Teste Gjuha shqipe 5
Rubrika 2: Pasqyra e dëshirave
Lexo tekstin e mëposhtëm.
Test nr. 2
Varianti I
Unë jam Denisi. Bashkë me familjen time jetoj në Londër. Këtë verë erdha me
pushime në Tiranë, në vendlindjen time. Çdo vit vij dhe çmallem me të afërmit dhe
miqtë e mi.
Kam dëshirë t’ju tregoj për të gjithë, por sot do t’ju fl as për Kleidin, kushëririn tim.
Ai këtë vit shkon në klasën e pestë. Kleidi ka shumë dëshira, por dëshira e tij më e
madhe është të bëhet futbollist. Këtë gjë ai ua thotë shpesh prindërve të tij, por duket
se atyre s’iu pëlqen kjo ide. Mami i Kleidit, që është dhe tezja ime, dëshiron që Kleidi
të mësojë shumë, që, kur të rritet, të shkojë në një universitet të famshëm. Sipas saj,
po të merret me sport, Kleidi nuk do ta realizojë dëshirën e saj. Mua më duket se kjo
ka qenë një ëndërr e tezes sime, që ajo s’e realizoi dot.
Në dhomën e Kleidit sheh shumë foto futbollistësh, uniforma të ndryshme dhe
shumë, po shumë topa futbolli.
Sot ai më tregoi një dëshirë tjetër të tij. Do të donte shumë të shkonte në Barcelonë
dhe të shihte nga afër Barcelonën, ekipin e tij të zemrës ose, siç i thotë shkurt
ai, Barçën!
Unë në fakt i dhashë fjalën që, kur të vinte në Londër, do ta çoja në stadiumin
“Uembli”, ku do të shihnim një ndeshje të madhe.
Kleidi vazhdon të stërvitet. Shpresoj që ëndrra t’i bëhet realitet në një të ardhme.
Kur dikush e dëshiron diçka me zemër, ai do ta realizojë atë.