Trivnaðarkanningin - Føroya Pedagogfelag
Trivnaðarkanningin - Føroya Pedagogfelag
Trivnaðarkanningin - Føroya Pedagogfelag
Create successful ePaper yourself
Turn your PDF publications into a flip-book with our unique Google optimized e-Paper software.
1. Endamál, ástøði og framferðarháttur<br />
1.1 Endamál<br />
4<br />
Granskingardepilin fyri samfelagsmenning<br />
Aðaluppgávan hjá starvsfólkum á dagstovnum er at skapa eitt umhvørvi fyri børnum,<br />
har umsorgan, tryggleiki og menning eru í hásæti. Tískil merkir eitt gott<br />
arbeiðsumhvørvi – bæði fysiskt og psykiskt - ikki einans betri trivnað fyri<br />
starvsfólkini, men eisini fyri børnini, sum eru á stovninum. Umframt at brynja<br />
starvsfólkini til at standa seg í gerandisdegnum, ið er eyðkendur av nógvum ymiskum<br />
krøvum og ynskjum frá foreldrum/avvarðandi, børnum, starvsfeløgum og<br />
myndugleikum, hevur eitt gott arbeiðsumhvørvi við sær, at arbeiðið á dagstovnum<br />
verður lokkandi, og stovnar sostatt betri megna at draga góð starvsfólk til sín.<br />
At starvast á einum dagstovni er eitt krevjandi, samansett og sera týdningarmikið starv.<br />
Eitt nú vísa nógv starvsfólk á dagstovnum á, at tey í størri mun nú enn fyrr eru við til<br />
at uppala, sosialisera og menna børnini, sum eru á dagstovnum. At talan er um eitt<br />
týdningarmikið starv, er eingin ivi um. Sambært teimum tølum, vit hava fingið frá<br />
dagstovnaleiðarum, so eru í alt 1.030 frítíðarskúlabørn, 2.596 barnagarðsbørn og 930<br />
vøggustovubørn á dagstovnum kring landið. 1<br />
Tað er við støði í omanfyrinevndu viðurskiftum, at arbeiðssetningur niðanfyri er<br />
orðaður:<br />
1. Hvussu trívast starvsfólkini á dagstovnum í Føroyum í sínum arbeiði sum<br />
heild?<br />
2. Í hvønn mun meta starvsfólkini á dagstovnum í Føroyum, at viðurskifti, sum<br />
hava týdning fyri trivnaðin í arbeiðinum, eru nøktandi?<br />
Arbeiðssetningurin leggur upp til eina lýsing av trupulleikum eins væl og positivum<br />
viðurskiftum, sum starvsfólkini draga fram. Á dagstovnaøkinum eru sera nógv<br />
starvsfólk, ið arbeiða niðursetta tíð. Hetta er eitt sentralt útgangsstøði hjá<br />
<strong>Pedagogfelag</strong>num fyri at umbiðja hesa kanning. Hesin spurningur verður sjálvsagt<br />
eisini lýstur við arbeiðssetningunum omanfyri í huga. Roynt verður at koma inn á so<br />
nógv viðurskifti, sum vit halda hava týdning fyri trivnaðin hjá starvsfólkunum, og sum<br />
1 Sí partin, Bygnaður av spurnablaði og umboðan, niðanfyri , síða 14 um uppfylgjandi kanning millum<br />
stovnsleiðarar.
Change language