You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
E enjte, 30 dhjetor 2<strong>01</strong>0 - E hënë, 3 janar 2<strong>01</strong>1 3<br />
Kur e kishte kënduar për herë të parë këngën “Love Me<br />
Tender”, në shtator të vitit 1956, Elvis Presley garant nuk e<br />
kishte ditur se ekziston njëfarë territori i quajtur Kosovë. Por,<br />
me siguri do të ngazëllehej po ta merrte vesh se tash, më<br />
shumë se 30 vjet pas vdekjes, njëra pjesë e titullit të këngës së<br />
tij është bërë shumë e dashur në Kosovë.<br />
Love Me Tender<br />
Imer Mushkolaj<br />
1.<br />
Dimër i fortë po mbante natën e 31 dhjetorit<br />
1998. Po vazhdonte të fl itej për intervenimin e<br />
NATO’s në Kosovë dhe pakkujt i vinte ndërmend<br />
se muaj më pas, shqiptarët do të përjetonin<br />
eksodin e madh dhe gjërat do të ndryshonin<br />
radikalisht.<br />
Kisha muaj që gjendesha në Austri. Në natën<br />
e ndërrimit të moteve, përveç shpresës se vitin<br />
tjetër do të bëhej më mirë, ngushëllim të vetëm<br />
kisha një shpërblim gazetarie, të ndarë nga një<br />
ndër gazetat e pakta që botoheshin asokohe në<br />
Kosovë.<br />
Isha shpërblyer për raportim rreth luftës së<br />
Kosovës. Shpërblimin nuk e mora kurrë, por kjo<br />
kishte pak rëndësi. Atëbotë mjaftonte diçka e<br />
vogël, për ta mbajtur shpresën gjallë.<br />
Por, austriakët kishin të tjera telashe. Gati<br />
katër vjet pas hyrjes në BE, politikani djathtist<br />
ekstrem, Jörg Haider, po ngrihej me të shpejtë<br />
në karrierë, duke u rizgjedhur guvernator i krahinës<br />
së Kärntenit dhe s’kishte kush që e ndalte<br />
drejt pushtetit qendror. Por, një tender për<br />
njëfarë investimi publik nuk po e linte rehat.<br />
Me gjermanishten time që linte shumë për të<br />
dëshiruar, përpiqesha të lidhja fi jet e asaj që po<br />
ndodhte. <strong>Gazeta</strong>t, sidomos ato lokale, vlonin<br />
nga shkrimet. Dikush duhej të ndëshkohej. Dhe<br />
ashtu ndodhi.<br />
2.<br />
Hitradio Ö3 në 99.9 FM njihej për muzikë<br />
të mirë. Shpesh, shumë shpesh transmetonte<br />
edhe këngë të Elvis Presleyt. Me siguri ndonjë<br />
teknik aty e adhuronte shumë. Sidomos këngën<br />
“Love Me Tender”. E njëjta po “rrotullohej” edhe<br />
atë natë të Vitit të Ri. Natyrisht, ai i këndonte<br />
dashurisë dhe kënga s’kishte lidhje me tenderin<br />
e Kärntenit.<br />
Kur e kishte kënduar për herë të parë, në<br />
shtator të vitit 1956, në shoun e Ed Sullivanit,<br />
Presley garant nuk e kishte ditur se ekziston<br />
njëfarë territori i quajtur Kosovë. Mund të ketë<br />
shkuar nga kjo botë, 21 vjet më vonë, me po të<br />
njëjtin merak!<br />
Por, me siguri do të ngazëllehej po ta merrte<br />
vesh se tash, më shumë se 30 vjet pas vdekjes,<br />
njëra pjesë e titullit të këngës së tij është bërë<br />
shumë e dashur në Kosovë. Nga politikanët dhe<br />
biznesmenët. Fjala “tender”.<br />
Në dekadën e fundit, nuk ka fjalë më të dashur<br />
në Kosovë. Për ata që përfi tojnë para të<br />
majme nga tenderët, e shumica e të cilëve nuk<br />
kanë ndonjë simpati për muzikën e Presleyt.<br />
Bile, mund të ketë nga ata që mendja ua thotë<br />
se këngëtari legjendar po këndon pikërisht<br />
për tenderët. Për dashurinë ndaj tenderëve.<br />
Aq dinë, aq mendojnë.<br />
3.<br />
Shumë rrëfi me të kolegëve të mi gazetarë<br />
pështillen rreth tenderëve, vite me radhë. Temat<br />
janë të ndryshme: shkruhet për politikanë<br />
që llogaritë bankare ua mbushin ata që u japin<br />
punë, për kompani që themelohen shpejt e shpejt,<br />
vetëm sa për të fi tuar tenderë, për biznesmenë<br />
që provojnë të bëhen politikanë, por<br />
që iu mbyllet goja me tendera milionësh. Për<br />
rrugë që shtrohen, e shtrohen, e shtrohen…<br />
Për tenderë që hapen e rihapen.<br />
Raportet kredibile ndërkombëtare vazhdojnë<br />
t’i kenë në fokus parregullsitë në tenderime,<br />
por kulturën e manipulimit dhe pasurimit me<br />
ta s’ka kush që e çrrënjos.<br />
4.<br />
Jörg Haider vdiq në tetor të vitit 2008, në<br />
një aksident automobilistik në Klagenfurt dhe<br />
Europa “shpëtoi” nga ai. Pak muaj para kësaj<br />
ngjarjeje tragjike, në Prishtinë u dha një tender<br />
i dyshimtë shumëmilionësh, për një objekt<br />
qeveritar.<br />
Ftohtë është edhe këtë dhjetor. Lufta ka mbaruar<br />
moti, por telashet vazhdojnë. Shumë më<br />
të mëdha se të austriakëve.<br />
Këtë vit, gazetarët kosovarë u shpërblyen<br />
sërish - jo për raportime rreth luftës. Katër nga<br />
pesë çmimet gazetareske për antikorrupsion iu<br />
ndanë gazetarëve që hulumtuan tema për manipulime<br />
tenderësh. Nuk dyshoj se ngjashëm<br />
do të jetë edhe vitin tjetër.<br />
Deri atëherë, ndonjë biznesmeni anlfabet<br />
mund t’i shkrepë në mendje ta themelojë një<br />
çmim me emrin e Elvis Presleyt, për “tenderin<br />
më të mirë” - për dashurinë ndaj tenderëve.<br />
Unë do ta festoj 34-vjetorin e lindjes, e Presleyt<br />
do t’ia shënojnë 34-vjetorin e vdekjes.<br />
Kosova do t’i mbush tri vjet themelimi e një<br />
dekadë “tenderizimi”, kurse “Love Me Tender”<br />
55 vjet. Presley s’ka faj pse dikush, mesazhin<br />
e këngës së tij për dashuri ndaj femrës, e ka<br />
keqkuptuar dhe shndërruar në dashuri ndaj<br />
tenderëve.<br />
P.S.<br />
Atyre që “Love Me Tender” iu duket demode,<br />
ta dëgjojnë këto ditë feste, ua rekomandoj<br />
këngën “Tender” të rock grupit alternativ anglez,<br />
Blur. Muzika nuk ka fund, as dashuria, as<br />
tenderët… Urime, suksese!<br />
Bëhuni gati për<br />
Big Brother!<br />
Big Brother 4 për tërë edicionin ju<br />
kushton vetëm 7 EURO.<br />
FALAS ofrohet për abonuesit e<br />
pakos Premium dhe Premium HD.