Namni Guyyaa Ykn Sa'aa Isaa Beeku Hin Jiruu? - Family Radio ...

Waaqayyo malee yeroo dhuma biyya lafaa
kan beeku hin jiru. Akkamitti namni
Guyyaan Firdii ykn ol-butamuu
Caamsa 21, 2011 jedhee barsiisuu yaala?
Macaafni Qulqulluun yeroo deebii Kiristoos
guyyaa isaa fi sa’aa isaa homtuu akka hin
beekne ifatti hin barsiifnee? Eyyee,
Macaafni Qulqulluun sana barsiisee jira.
Namni Guyyaa
Ykn Sa’aa Isaa
Beeku Hin
Jiruu?
Macaafni Qulqulluun waan kana barsiiseef
ni hima. Hojii Ergamootaa keessatti, yeroo barri
waldaa kiristaanaa Kakuu Haaraa jalqabuuf jedhutti,
Yesuus duuka-buutota isaa akkanatti barsiise.
“Isaaniin jedhees, isinii hin kennamne bara
sana, yeroo sanas beekuun Abbaan gooftumaa
isaatiin isa godhe.”
Lakkoofsa isa itti aanutti immoo, Yesuus
akkana jedhe.
“Garuu humna in argattu, Hafuurri
Qulqulluun yommuu isin irratti gadi bu’u.
Anaafis dhugaa in baatu, Yerusaalemitti,
Yihudaa hundumaattis, Samaariyaattis,
hamma daarii lafaattis.”
Wanti nuti lakkoofsa kana keessaa barannu,
barra waldaa kiristaanaa keessatti, namni hundinuu
waa’ee yeroo dhuma biyya lafaa beekuuf fedhii
guddaa akka agarsiisanii dha; amantoonni garuu
dhimma kana irratti xiyyeeffachuu hin qaban.
Isaan kan irratti xiyyeeffachuu qaban hojii
wangeelaa biyya lafaatiin ga’uu qofaa dha. Kanaaf,
hamma fedhe beekaa wangeelaa yoo ta’an, ykn
hamma fedhe jabaatanii yoo Macaafa Qulqulluu
qoratan ykn yoo Kiristoosiin tajaajilan, yeroo
dhuma biyya lafaa beekuuf kan danda’amu miti.
Hata’u malee, dubbii jabaan Macaafa Qulqulluu
kessatti dubbatame tokko in jira. Innis Macaafa
Lallabbaa 8:5 keessatti barreeffame. Achitti
Waaqayyoo akkana jedha:
-1-

“Abboommii kan eegu waan hamaa hin
beeku; garaan ogeessaas yeroodhaa fi mala
beeka.”
Macaafa Qulqulluu keessatti, namni ogeessa
ta’e, nama Waaqayyo aangoo-qabeessummaa
Macaafa Qulqulluu akka hubatu godhe, amanaa
isa dhugaa dha. Amantoonnii warri dhugaan, yeroo
duritii eegalanii jiru. Hata’u malee, yeroon seenaa
akka Macaafa Qulqulluu keessaatti mul’atetti,
garaa amantootaa keessatti hin mul’anee.
Fakkeenyaaf, bara waldaa kiristaana gara caalu
keessa kan mul’ate umamni kan ta’e bara 4004
(Dh.K.B) kan jedhuu dha. Hata’u malee, waa’ee
yeroo seenaa ilaalchisee Waaqayyo qalbii
amantoota dhugaa waggaa 35 dura banuu jalqabe.
Akka Macaafni Qulqulluun barsiisutti garuu, yeroo
waan kanaan dura ta’e, kaalandarii ammayyaa
wajjin madaallu, yeroon seenaa kan akka umamaa
(11,013 Dh.K.D), Bishaan Badiisaa bara Noh
(4990 Dh.K.D), Ba’uun Israa’eel biyya Misirii tii
(1447 Dh.K.D) fi duuti Solomoon (931 Dh.K.D)
ta’uu isaanii baranna.
Ta’us, beekumsi yeroo seenaa inni sirriin
guutummaatti hanga dhiyeenya kanaatti karaa
Macaafa Qulqulluu amantoota dhuggaatti
Waaqayyoon hin mul’ifamne ture. Yeroon seenaa
kun hanga dhuma biyya lafaatti wal-duraa duubaan
ol keewwameera. Waggoota hedduu darban
keessa, Waaqayyo dhugaa hedduu nuuf ibsaa
turee. Waggoota hedduu darban keessa,
Waaqayyo dhugaa hedduu nuuf ibsaa turee jira,
isaan kunis, hanga amma bara isa dhumaatti
dhiyaanutti, Macaafa Qulqulluu keessa dhokatanii
turaniiyyu.
Kun akkamitti ta’a?
Akka kun ta’u, Macaafa Qulqulluu keessatti
ifatti raajjeeffamee jira. Macaafi Qulqulluun jiraataa
sagalee Waaqayyoo ti; isa hubachuuf, namni isa
dubbisu ykn dhaga’u, qalbiin hafuura isaa Hafuura
Qulqulluudhaan banamuufii qaba. Kanaaf, hanga
yeroo dhiyoo kanaatti sammuun keenya dhugaa
Macaafa Qulqulluuf akka hin banamne fedha
Waaqayyo waan hin taaneef, yeroo ammaa kana
keessa dhugaan Macaafa Qulqulluu warri
gudguddaan caallaatti hubatamuu qabu. Kun akka
ta’uuf jiru Macaafni Qulqulluun nutti hima.
* Adam when kan jedhu kan bara 1974 tti maxanfame ilaalaa.
Garagaalchii afaan Ingilizii yoo barbaaddan, Family Radio, Oakland,
California, 94621, USA jettanii yoo barreessitan tola in argattu. Yookaan
websaayitii www.familyradio.com ilaalaa.
-2-

MACAAFA ISA CUFAME TURE
Macaafa Daani’eel keessatti, Waaqayyo
waa’ee bara isa dhumaa waan hedduu dubbata.
Waan kana hunda Daani’eel hubatee ture; sababii
odeeffannoo fokkisaa ta’eefis, Daani’eel guddisee
gaddee ture. Fakkeenyaaf Daani.eel 8. 27 keessati
akkana jedhaa:
‘’Ani Daani’eel dadhaabee guyyaa danuus
dhukkubsadhee ergaan ka’eeyis hojii
mootichaa nan hojjedhan turee, waa’ee
mul’atichaafis nan dinqisifadhan ture, kan isa
hubatus homtinuu hin turre.”
Isa booda Daani’eel 12: 4 fi 9 keessatti,
Waaqayyo Daani’eeliin akkana jedhe:
“Ati garuu yaa Daanieel, dubbicha dhoksi,
macaafichatti milikkita godhi, hamma bara
dhumaatti, namoonni baay’een isa in hubatu,
beekumsis in baay’ata. Innis jedhe, dhaqi yaa
Daani’eel, dubbichi hamma bara dhumichaatti
dhokfamaadhaaf, milikkini kan itti
godhameedhawoo.”
Jecha biraatiin, waa’ee bara dhumaa
ilaalchisee, Waaqayyo odeeffannoo gudguddaan
akka jiru nutti hima; odeeffannoon kunis Macaafa
Qulqulluu keessatti kan katabame yoo ta’ee illee,
hanga yeroon dhumaa ga’utti Waaqayyoon
mul’inatti gadi hin baane. Mul’ata Yohannis 22:18-
19 kessatti kan dubbifannukeessatti akkana jedha:
“Dubbii raajii macaafa kanaa kan dhaga’u
hundumaafuu dhugaa nan ba’awoo, homtinuu
kana keessatti isa caafame dha’icha itti in
dabala. Homtinuummoo dubbii raajii macaafa
kanaatti yoo waa hirr’ise Waaqayyo macaafa
jireenyaa keessaa biyya qulqulluu’aa
sanaayis, qooda isaa in hirr’isa, waa’ee isaatiif
macaafa kana keessatti caafamee kan jiru.
Kutaaleen kun kan isaan nutti himan,
Macaafni Qulqulluun bara 95 (Dh.K.B) tti erga
barreeffamee raawwatee booda, jechi biraa kan
Macaafa Qulqulluutti dabalamu hin jiru. Kanaaf,
odeeffannoon waa’ee dhumaa ilaalchisee,
Daani’eeliif kenname, kan garuu hanga bara
dhumaatti hubatamuu hin qabne, Macaafi
Qulqulluun katabamee utuu hin raawwatin, achi
keessatti barreeffamuu qaba.
-3-

Hata’u malee, Waaqayyo sana kan barreesse
akka inni hanga bara dhumaatti hubatamuu hin
dandeenyettii dha. Yaadadhaa, hubannoon, akka
nuti Luqaas 24:45 keessatti arginutti, Yeesus
Kiristoos biraa dhufa. “Yommuus qalbii isaanii
bane, macaafota hahubatanuuf.” Kunis,
Macaafni Qulqulluun qooqa namni hubachuu hin
danda’amneen katabamuun isaa kanaafi. Akka
Maarqoos 4:34 keessatti dubbifnutti, sababii
Kiristoos fakkeenyaan dubbatuufis kanaafi.
“Fakeenya malee garuu, isaanitti hin himne”.
MACAAFICHIS IN BANAME
Mul’ata Yohaannis 5:1-9 keessatti immoo,
akkana dubbifna:
“Anis isa teessoosaarra taa’e gara mirgaatti
macaafa arge, keessaaf duubaan kan itti
cufame, mallattoo torbaanis kan
mallatteeffame. Ergaa jabaasaas argee,
sagalee guddaadhaan utuu iyyuu. Eenyu inni
kan ta’uuf macaaficha banuun, mallatichas
hiikuun. Tokkollee in danddeenye, waaqarra
kan jiru, lafarras kan jiru, lafa jalas kan jiru,
macaaficha banuu, ilaaluus. Anis guddaa nana
boo’an ture, tokkollee kan ta’uuf hin
argamnewoo, macaaficha banee kan deebisu,
kan ilaalus. Maanguddoota keessaayis tokko
naan jedhe, hin boo’ini kunoo Leencichii
sanyii Yihuudaa keessaa, lanai Daawit
mo’eera, macaaficha banuudhaaf, torbanuu
mallattootas hiikuudhaaf. Teessichaaf
arfanuu bineensota gidduuttis, digamiiarfanuu
maanguddoota gidduuttis, hoolaa
tokko arge dhaabbatee akka qalametti. Gaafa
torbas qaba ture, ija torbas. Isaanis torba
hafuurota Waaqayyootii, lafa hundumaa
irratti kan ergaman. Dhufeeyis macaaficha
fudhate, isa teessoorra taa’e, gara mirgaatti.
Macaafichas erga fudhatee, arfanuu
bineensonni, digadamii arfanuus
maanguddoonni, hoolicha duratti lafa dha’a
anii. Hundumti isaaniis, adda-addaan kiraara
qabu turani, girgirataa warqees, ixaanaan
guutuu, isaanis kadhata qulquullootaatti.
Galata haaraas in galateeffatu turani, akkana
jedhaa: “Sii ta’a, macaaficha fudhachuun,
mallattichas hiikuun, qalamteertawoo, dhiiga
keetiinis Waaqayyoof nu bitteertawoo, gosa
hundumaa keessaa, afaan keessaayis, sanyii
keessaayis, saba keessaayis.”
-4-

Kutaaleen kun kan nu barsiisan, macaafni
cufame tokko akka jiruu fi innis Kiristoos mataa
isaatiin kan banamu ta’uu isaati; macaafni tokkichi
kunis isa Macaafni Qulqulluun Daani’eel 12
keessatti dubbatuu dha.
Macaafni kun mallattoo torbaan cufame;
kanaaf, odeeffannoon hundi macaafa kana
keessatti barreeffaman, akka nuti hubannuuf yoo
barbaachise, mallattoon torbanuu banamuu qabu.
Eyyee, Mul’ati Yohaannis 8:1 mallattoon inni
torbaffaan yeroo banamu argisiisa.
“Isa torbaffaas malattoo yommuu bane, waaqa
irratti caluma jechuun ta’e. yeroo wallakka
kan ga’u.”
WAAQAIRRATTI CALLUMA JECHUUN
YOOM TA’E?
Waaqa irratti cal jechuun sa’aa walakkaaf
ta’e inni jedhamu, gara jalqaba Dhiphina
Guddichaa, jechuun guyyoota 2,300 isa jalqabbii
waggaa 23 ykn guyyoota 8,400 keessa isa ta’u
keessa dha. Yeroon kun Caamsa 21, 2011 keessa
akka jalqabe waggaa baay’ee baranneerra.
Guyyoota 2,300 keessa, waldaa keessas ta’e
addunyaatti, namoonni fayyan guddaa xiqqaa dha.
Mul’ati Yohaannis 8:1 waa’ee cal jechuu waaqa
irraa kana in gabaasa. Haalli kun kan ta’e Caamsa
21, 1988 tti; sababiin isaa gammachuun waaqa
irratti kan ta’u, yoo cubbamtooti qalbii
diddiirratanii dha. Luqaas 15:4-32 keessatti,
Macaafni Qulqulluun waa’ee gammachuu kanaa
gabaasa, innis gammachuu isa callisan miti.
Caamsi 21, 1988 bara waldaa kiristaanaaf
guyyaa isa dhumaa akka ta’e barrannee jirra; innis
yeroo waggoota 23 kan Dhiphina Guddichaaf
guyyaa jalqabaa yeroo ta’u, yeroos Seexanni
waldootaaf biyya lafaa keessatti akka mul’inatti
mo’uuf Waaqayyoon kan hayyamame akka ta’e
barannee jirra. Guyyoota 8,400 keessaa guyyoonni
2,300 kan jalqabaa, yeroo itti Hafuurri Qulqulluun
waldootaa fi biyya lafaa keessaa ol harkifamee dha.
Kunis, waaqa irratti akka cal jechuun ta’u godhee
jira. Haalli gaddisiisaan kun hanga xumura
waggoota 23 kan Dhiphina Guddichaa sanatti
waldoota keessatti itti fufa. Hata’u malee, Caamsa
21, 1988 raawwina guyyoota 2,300 booda (dhuma
bara waldaa) akka Zakaariyaas 10:l fi Yaaqoob 5:7
keessatti dubbatametti, Hafuurri Qulqulluun
bokkaa lammaffaa isa Macaafni Qulqulluun jedhu
fiduuf si’a lammata gadi robe. Kunis biyya lafaa
keessatti malee, waldoota keessatti miti. Sana
-5-

ooda, Waaqayyo haamaa guddaa isa dhumaa
fiduudhaan, waaqa irratti gammachuu guddaa
fide. Fayyinni kun waldoota keessatti utuu hin
ta’in, waldootaa alatti hanga Dhiphina Guddichaa
Caamsa 21, 2011 ta’utti in raawwata.
Gara jalqaba yeroo Dhiphina Guddichaa
sanatti, (Caamsa 21, 1988) mallattoo isa dhumaa
fi torbaffaa kan Daani’eel akka cufuuf abboomame
sana Kiristoos in cufe. Sababa kanaafi egaa
waggoota muraasa darban keessa Waaqayyo
dhugaa haaraa Macaafa Qulqulluu keessaa kan
nuuf ibseefi. Kunis yeroo bara dhumaa isa sirrii fi
waa’ee akeeka Firdii Waaqayyoo of keessaa
qabaata. Jechi ‘yeroo jedhu ‘sa’aa’ wajjin
tokkicha. Firdii jechuun ‘Guyyaa Firdii isa nuti
‘Guyyaa’ jennuu dha. Kanaaf, Macaafa Lallabaa
8.5 keessatti kan raajeffame yeroo firdii sana
beekuun, guyyaa fi sa’aa sana beekuu dha. Kunis,
araaraa fi jaalala Waaqayyo biyya lafaaf qabu
sirriitti mul’isa. Yaadadhaa, waa’ee badiisaa
ilaalchisee biyya lafaa akka akeekkachiisuuf,
Waaqayoo Nohiif odeeffannoo sirrii kennee ture.
Akkasumas, Waaqayyo guyyaa itti magaalaa
Nanawee balleessuuf kaayyeffate, Yoonaas
guyyaa isa sirrii akka saba akeekkachiisu isa
abboomee ture. Akkasumatti, amantoonni dhugaan
bara kanaa, guyyaa jalqabaa kan Guyyaa Firdii,
jechuun gaafa ol-butamuu sana, akka beekanii,
biyya lafaa akeekkachiisan, Waaqayyo jaalaa fi
araara isaatiin yeroo isa sirrii kenneeraaf. Maal
waaqni gara laafessi, arjaa fi jaalala-qabeessi
akkanaa! Kan nama dinqu, Waaqayyo harr’ayyuu
namoota hedduu fayyisaa jira (Mul’ata Yohaannis
7:9-14). Kunis, akkuma bara Yoonaas sana
lammiiwwan hedduu fayyisee ti (Maatewos 12:4).
AKEEKKACHIISA DHUGAA WARRA
WALDOOTA KEESSAAF
Waa’ee yeroo sirrii guyyaa ol-butamuu fi
waa’ee Guyyaa Firdii hubachuun beekumsa isa
baay’ee guddaa barbaachisuu dha. Tasaloonqee
duraa 5:2-3 keessatti, Waaqayyo Guyyaa Firdiitti
dhufe namoota xumura biyya lafaa haalan ykn
ganan yeroo balleessu amantoonni warri dhugaan
immoo, yeroo Kiristoos itti dhufu (sa’aa) isaa
beekanii innis Guyyaa Firdii jalqabee isaaniin gara
waaqaatti yeroo geessu (ol butamuu) itti himee
jira. Achitti Waaqayyo akkana jedha:
“Isinuu ofumaan gaarrii gootanii beektuwoo,
guyyaan Gooftaa akka dhufu, akka hattuu
halkan dhuftuutti, nagaatti, jabeenyatti jirra
-6-

yommuu jedhanuu, yommuus dingata badiifni
isaan in qaqabata, ciniinsuun nadheen
ulfooftuu akka qabatu, duraayis hin
ba’anuu.”
Mul’ata Yohaannis 16:15 keessatti immoo,
Kiristoos ofii isaa akka hattuu akka dhufu in
barsiisa (Mul’ata Yohaannis 3:3 ilaalaa). Akkuma
beekamu, Kiristoos, hattuu miti. Garuu, innii fi
Guyyaan Firdii akka hattuu dhufu. Yohaannis 10:10
keessatti, hattuun yeroo dhufu waan hojjetu
Waaqayyo nutti hima. “Hattuun hin dhuftu,
hatuuf malee, gorra’uufis, ajjeesuufis”
Akkasitti, Kiristoos Guyyaa Firdii yeroo dhufu,
namoota akka hatuutti itti dhufu jireenya isaanii
fudhatee in balleessa.
HATTUUN HALKAN DHUFA
Kiristoosiif Guyyaan Firdii halkan dhufu.
Tasaloonqee duraa 5:3 keessatti Kiristoos akkana
nuun jedha: “Nagaatti, jabeenyatti jirra
yommuu jedhanuu, yommuus dingata badiifni
isaan in qabata.”
Sababii badiisi itti dhufuuf, namooti kun
akka hin fayyine nuti sirriitti beekna. Waan hin
fayyineefis, isaan dhukkana hafuuraa keessa jiru.
Isaan halkan keessa jiru. Guyyaan Firdii akka
“hattuu halkanii” itti dhufa. Garuu, isaan kan
Waaqayyoo wajjin nageenya qabaatan itti fakkaata.
EENYU NAMOONM KUN?
Qooqni kutaa kanaa akka ibsutti, isaan
namoota biyya lafaa jiraatan kan guyyaa Caamsaa
21, 2011 tti waldaa keessa jiranii dha. Sababii
waldooti dhugaa Macaafa Qulqullu keessaa ala
ta’an waa hedduu waan barsiisaniif, jechuun kan
akka akeeka fayyinaa dogoggoraa, akkasumas
sababii Hafuurri Waaqayyoo waldoota dhiiseef,
warri guyyaa Caamsaa 21, 2011 waldaa keessa
jiran hin fayyan. Hata’u malee, waldooti
ammayyuu, miseensota isaanii akkana jedhanii
barsiisu.
1. Saababii miseensota waldootaa ta’aniif,
nageenyaaf to’annaa Kiristoos jala jiru
2. Guyyaa fi sa’a Kiristoos itti dhufu namni
beeku hin jiru. Kanaaf, Kiristoos akka hattuu halkan
dhufuu isaa in amanu.
Jarreen jaallatamtoonni kun isaan mataan
isaanii halkan hafuuraa keessa jiraachuu isaanii hin
hubatani. Kunis immoo, yeroo Kiristoos dhufu
-7-

isaan mataan isaanii Guyyaa Firdiitti akka badan
in mirkanneessa. Hammam sodaachisaa dha!
Waa’ee yeroo sanaa (sa’aa isaa) fi waa’ee Guyyaa
Firdii (guyyaa isaa) kan beeku amantoota warra
dhugaa dha. Isaan kun dukkanaa fi halkan hafuuraa
keessa hin jiran.
YAADADHAA, Waaqayyo baayyee, baayyee
jaalalaa fi araara-qabeessa. Nama mataa gadi
qabachuudhaan Waaqayyotti iyyee kadhatu, tarii
isaan in fayyu ta’a.
Waa’ee dhuma biyya lafaa bal’inaan
odeeffannoo yoo barbaaddan, Faamilii
Raadiyootti barreessitanii kitaabota tola
argachuu in dandeessu; ykn web saayitii keenya
irraa odeeffannoo hunda afaan Ingilizii,
Ispaanishii, Faransaayii, Chaayinizii fi afaan kan
biraation argachuu in danddeessu.
I Hope God Will Save Me
We Are Almost There!
To God be the Glory!
Kun egaa dubbisa barreeffama kanaa in
raawwata. Wanta dhageessan irratti
hundaa’uudhaan, Waaqayyo jireenya keessan isa
gabaabaa hafe keessatti waan inni hojjetu kadhata
guddaa wajjin eegadhaa.
Waan dubbiftan kana ilaalchisee gaaffii yoo
qabaattan ykn sagantaa danbalii tamsaasa
addunyaa keenyaa yoo feetan,
FAMILY RADIO
Oakland, California 94621
USA
jedhaati nuuf barreessa.
Toora Inteerneetaa http://www.familyradio.com
E-mailii:international@familyradio.com
Raadiyoo Faamiliin afaan addunyaa 50 oliin
tamsaasaa jira.
Raadiyoo Faamiliin waldaa kaminuu kan hidhata
kan hin qabne Macaafa Qulqulluu irratti kan
hundoofte tajaajila raadiyooti.
-8-
OROMO NMK 08-18-10