You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Piše Dražen Turina<br />
Po lete saki ki je bil<br />
pogjedat onisti<br />
film od Balaševića<br />
na Ljetnoj<br />
pozornice mogal<br />
je sobun doma<br />
zet jedan mići paketić zemji z<br />
Vojvodini. Balašević je rekal da<br />
se j’ odlučil na takov regal aš da<br />
j’ još i njegov otac govoril: “Sine,<br />
znaš kakova j’ ta naša vojvođanska<br />
zemja! Da putac posadiš neš<br />
će prit vanka!”. Moj otac pak je<br />
prišal va Opatiju za zeta z centra<br />
Reki. Gracki čovek. Kada se<br />
j’ ženil rekal je svojoj matere da<br />
mu kupi stomanju na kvadrići<br />
aš da gre bivat na selo. Zaspraven<br />
gjedajuć, naš kozji breh je i<br />
bil selo za ono kade je odrasal.<br />
Ča je Bogu pravo za reć on voli<br />
Opatiju, i to puno više od nekeh<br />
ki su tu rojeni al za tu našu zemju<br />
nikada ni našal ni jenu lepu<br />
besedu a kamo još takovi verši<br />
kot stari Balašević. Za razumet<br />
ga je aš stojarski tehničar ki se<br />
već od rane mladosti razumel va<br />
komplikani sistemi fabrike traktori<br />
Torpedo, lopatu je prej tega<br />
videl samo na slike i jedanput<br />
kot soldat va Čačke. Ako je tamo<br />
i proval kopat ni mu bilo teško<br />
aš šumadijska zemja će prej bit<br />
kot ova z Vojvodini nego kot ova<br />
naša – črjena, trda, teška, masna<br />
i elastična aš se i kramp od nje<br />
lagije odbija nego ča se va nju<br />
zabija.<br />
Kad san prvi put proval kopat<br />
kot otrok znan da san zabil va<br />
zemju vrh lopati, poprtil se na<br />
nju, ćapal se za manig i skakal<br />
kot munjen. Na kraje smo se<br />
prevrnuli i lopata i ja a va zemje<br />
je ostala mića jama od dva centimetra.<br />
Moj nonić po maminoj<br />
bande, kega nismo poznali ni<br />
moj otac ni ja, kopal je tu zemju<br />
celi život al ne samo našu nego i<br />
od nekeh susedi, drugeh judi ki<br />
bi ga zvali i onu komunjsku po<br />
celoj Opatije aš je delal va “Parkeh”.<br />
Znamo da je dobro kopal<br />
aš još doma imamo onisti “Orden<br />
rada” ča su ga onda delili.<br />
Od dve njegove sliki ke su ostale<br />
na jednoj je z lopatun. Moj otac<br />
je kjel kad bi moral kopat tu našu<br />
zemju i zval ju je glina. A moral<br />
je kopat aš tamo još sedandeseteh<br />
let bila je vela sramot ako su<br />
vrti zapušćeni. To je bila užanca<br />
ka se ne sme zatrt. Poć na mrkat<br />
po salatu ili pomidori – Boh nas<br />
očuvaj i Majka Božja Trsatska!!!<br />
Za njega užanca je bila puno<br />
stareja od oviste domaćeh težaki<br />
i šla je se do starega Rima i<br />
velega izuma tega vremena a to<br />
je ciment! Sako malo bi neki vrt<br />
pul kući postal tarac. Preživeli su<br />
samo dva spreda i moran se pohvalit<br />
malo i z mojun zaslugun aš<br />
je već i mat popustila: “Ala, storite<br />
bilo ča samo da ni ta graja i<br />
gomila pred kućun!”<br />
Nekada je bilo tu i smešneh stvari.<br />
Zgora naše kući je bivala jena<br />
Anica ka je teško hodila pa nikada<br />
ni prihajevala pul nas. I ona je<br />
redila svoj vrt a puno njoj je pomogla<br />
moja nona. Onda bi naš<br />
otac, kad bi videl kakovi veli i lepi<br />
pomidori kade za kupit, vavek<br />
kupil jedan škartoc teh “ekstra<br />
primjerki” i nesal Anice: “Eko Van<br />
malo…To je z našeg vrta!”. Ona bi<br />
ponemela aš bi njiji bili još mići i<br />
zeleni. Brižna bi se sa zmutila ne<br />
znajuć da su tisti arivali z kakove<br />
Dalmacije ili Makedonije. No,<br />
ruku na srce, nisan ni ja bil baš<br />
kapac kopat tu kako bi otac rekal<br />
“glinu”. Jedan dan san naručil<br />
pet kamijoni dobre zemje z neke<br />
šumi na Kastafštine i pokril vrajžu<br />
glinu a na nju – tu moran reć<br />
besedu “jebiga” - razvukal onu<br />
slavonsku travu va tepihe kakova<br />
se stavja na stadioni. Nonić sigurno<br />
ne bi bil kuntenat al’ nisan<br />
jedini na brege, morda još samo<br />
dve kuće imaju neš malo vrta.<br />
Zač Zato aš se stoli, kantride,<br />
suncobrani, bazeni, ljuljački i oni<br />
“džakuzi” ne moru stavit na gredice<br />
z pomidori ili fažolun.<br />
Situacija je sada ipak malo boja<br />
aš je tu i moja Nataša z Delnic.<br />
Oni tamo celo leto “mašu” z lopatami<br />
– ili kopaju vrti ili čiste<br />
sneh. Tako smo lane po prvi put<br />
posudili “sjeckalicu” od ekološkega<br />
društva Žmergo i mesto da<br />
palimo pleve i grani storili svoj<br />
prvi kompost. Dve bačvi – malo<br />
al’ čoveka veseli. Sad san ja kot<br />
Balašević pa seh pitan: “Ste za<br />
malo dobre zemji” Niki baš ne<br />
zame ali me si hvale pa se jako<br />
štiman. Ovo leto mi se nekako<br />
čini da je kompostiranje postalo<br />
pravi hit. Sako malo neki deli<br />
neke brošure, “sjeckalic” imaš za<br />
kupit skoro va sakoj drogerije a<br />
ja semi govorin “Judi parećajte<br />
se aš va Evrope se ne more palit<br />
oganj kako je kega voja!”. Va celu<br />
stvar se uključil i naš Komunalac<br />
pa juden čak deli “kompostijere”<br />
badave. Ja san ih inače već kupil<br />
četire al’ po onoj “zami se ča te<br />
pripada” pitan oca:”Kad će nami<br />
dat jenu “kompostijeru” Ča vi<br />
penzioneri z Komunalca nimate<br />
prednost”. On: “Ča će ti Ča još<br />
ti ni dosta” Ja: “Ni. Otejen povećat<br />
proizvodnju. Morda se orjentiran<br />
i na izvoz.”. On je takov – da<br />
dele “hard diski” ili fotoaparati<br />
– bil bi prvi tamo, to mu je đir.<br />
Kad jeno jutro zove ženskica z<br />
Komunalca i govori: “Vas je prijavljeno<br />
9 (još je bila Zorica živa-<br />
Boh ju pomiluj) va 55 kvadrati pa<br />
imate pravo na “kompostijeru”!”<br />
Finalmente neka korist od tega<br />
ča još nisan dobil građevinsku<br />
dozvolu. Morda dignen i kat od<br />
prodaje visoko kvalitetne domaće<br />
zemje al ne kot građevinsko<br />
zemljište nego za rožice – ki<br />
zna…<br />
31<br />
Stranica od Šajeti