Հայաստանի Հանրապետության Տավուշի մարզի ձեռքբերումները ...

77
Վերջին տարիներին Հայաստանի Հանրապետության կառավարությու
նը 125 միլիոն դրամ ծավալով ֆինանսական օգնություն է
տրամադրել Տավուշի մարզի սահմանամերձ բնակավայրերում 1992-
1994 թվականներին ռմբակոծությունների հետևանքով վնասված 110
բնակելի տների բնակիչների բնակարանային պայմանները բարելավելու
նպատակով: 2009-2011 թվականներին Տավուշի մարզի սահմանամերձ
մի շարք գյուղերում կառուցվել են առանձնատներ: 2011 թվականից
Տավուշի մարզում Ղարաբաղյան հակամարտության հետևանքով անհայտ
կորածների ընտանիքներին տրամադրվում է աջակցություն: Ոչ
բարվոք տներում բնակվող ընտանիքները դրանք վերանորոգելու և
բարեկարգելու նպատակով երկարաժամկետ, զրոյական տոկոսադրույքի
վարկավորման հնարավորություն են ստացել: Լուծվել են 4 զոհված և 17
հաշմված զինծառայողների ընտանիքների բնակարանային խնդիրները:
Տավուշցի շինականը կանգնած է հայ զինվորի կողքին՝
անհրաժեշտության դեպքում պատրաստ ոչ միայն աշխատանքով ու
օժանդակությամբ, այլև զենքով պաշտպանելու հայրենիքի սահմանները:
Որովհետև զինվորը իր զավակն է ու իր ծնողը: Որովհետև պաշտպանական
դիրքում կանգնած զինվորը առավոտյան դասի գնացող մանկան ապրելու
ու ուսում ստանալու երաշխավորն է: Ամեն օր ու ամեն ժամ: Եվ հաճախ
սահմանամերձ գյուղում կարելի է ականտես լինել մի արարի. առավոտյան
տանից ձեռք-ձեռքի տված դուրս են գալիս երկուսը. ուսապարկն ու զենքը
ձեռքին հայրը՝ սահմանային դիրքում հերթափոխի կանգնելու, և գրքերով
լի դպրոցական պայուսակն ուսին դուստրը՝ դպրոց՝ նոր գիտելիքի
հետևից: Դուրս են գալիս վստահ համոզմամբ, որ երեկոյան հանդիպելու
են ընթրիքի սեղանի շուրջ: Ու գնում են հավատով, որ հաջորդ օրն ավելի
լավը պիտի լինի: