Senkgwe sa Bophelo - cjbf.co.za

KGAOLO YA BOSUPA / 7
KA GA TAOLO YA KEREKE
1. TLHOGO YA KEREKE KE MANG ?
Bakolose l 1:18
Ka Modimo a le tlhogo ya kereke o bitsa badumedi ba bakresete go dira mo go yone.
Ka badumedi ba bakeresete efangedi e fetisetswa go batho ba bangwe mme ka tsela
e Modimoo o ba fetola go dumela mo go One mme ba nna ditokololo tsa Kereke ya
One.
Bakeresete botlhe ba, ba dira mo kerekeng ya Modimo. Ga ba na bokgoni ka bobone
mme ba rotloetswa ke Mowa o o Boitshepo. ( Jesaya 59:21, Baroma 8:9) Gammogo
le se se diragalang Tlhogo ya kereke e neile le ditshepiso Matheo 28:20.
Ka a re neile tshepiso e, kereke ga e na go tlholwa ke sengwe. (Matheo 16:18).
Ditokololo tsa yone tsa mannete di lebile mo bophelong bo bo sa khutleng.
1.1 Badumedi ba bakeresete.
Badumedi ba bakeesete ba nna tokololo ya kereke. Ke maikarabelo a tsone gore di
lemogwe ke batho ba bangwe gore le bone ba nne le kgatlhego ya go ka inyalana le
kereke. Morena Jesu o bua ka ga bone fa a re badumedi bone ba bakeresete ke
letswai le lesedi la lefatshe. (Matheo 5:13-16)
Badumedi ba bakeresete ba tlhola ba direla Modimo, eseng ka Sontaga fela mo
kerekeng. Maikaelelo ka tiro e ke eng ? (1 Bakorinthe 10:31)
Tirelo e e dirwa fa tlase ga leina la “mokeresete” le le bopilweng go tswa mo leineng
la Keresete. Rona re le balatedi ba Gagwe re na le maikarabelo a boporofeta,
boperisita, le bogosi.
Modumedi wa mokeresete a itshware jang ?
1.1.1 A le moporofeta
Matheo 28:19, 20; Ditiro 1:8; 1 Petoro 2:9, 10
1.1.2 A le moperisita
Baroma 12:1; Luka 22:24-27
1.1.3 A le kgosi
Baroma 6:6; 11-13; Luka 22:29
Ka nako tsotlhe modumedi wa mokeresete o tlhaolwa ka a bontsha ditiro tsa Mowa o
o Boitshepo.(Bagalata 5:22,23). Go thata mo mothong yo a sa dumeleng
(Baroma7:7-25) Phetogo ya go nna mokeresete e tla nna teng fela ka thuso ya Mowa
o o Boitshepo.(Jakobo 4:8).
Godimo ga mpho ya go nna modumedi wa mokresete go na le ba ba nang le mpho
ya go nna baeteledipele mo kerekeng. Re bala ka ga bone mo 1 Timotheo 5:17 le
Ditiro 6:3, 4 le mo Boipolelong ba Tumelo ya Nederland Athikele 30. Bone ba
aroganngwa ka ditiro tsa bone. Baruti ba tshwanetse ba neelane ka Lefoko la
Modimo le Disakramente. Bagogi ba tshwanetse ba dise phuthego. Batlhanka bone
ba thuse go bopa kamano ya badumedi ba bakeresete mo kerekeng.
27