Senkgwe sa Bophelo - cjbf.co.za

More documents

Recommendations

Info

mo Teransefala. Bangongoregi mo kerekeng Ya Herforomo ba ne ba bone Postma o tlile go ba thusa ka mo ba ne ba kopile mongwe go tswa kwa Nederland go ba thusa. 23. Go ile ga diragalang mo Kopanong ya Kakaretso ya Kereke ka 11 tsa Ferikgong wa 1859 mo go neng go sekasekiwa bophelo ba ga moruti Dirk Postma ? Fa a ne a botsolostwa o ne a re o amogela Beibele e le Lefoko la Modimo le doformoliri tsa bongwe e le motheo wa bonnete. Gape o ile a neela le tlhaloso e e tletseng ya kamano mo gare ga kereke le mmuso. Malebana le dikopelo o ne a tsere tsela ya gore go opelwe fela dikopelo tse di theilweng mo lefokong la Modimo. Gape o ne a re moruti mongwe le mongwe o tshwanetse a nne le taolo go dira ka mokgwa o phuthego ya gagwe e batlang ka teng. Maemo a, a gagwe a ile a ganwa ke moruti Van der Hoff, ene o ne a batla gore go opelwe dikopelo tsotlhe mo kerekeng. Postma o ne a sa dumelane le maemo a mme ene le badumedi ba le 15 mo go bone go neng go na le Paul Kruger go tswa kwa Tlhabane(Rustenburg) ba ile ba ikatosa le kereke ya Herforomo. Ke fa ba tlhoma Kereke e e ipeileng mo Lefokong la Modimo, Dikwalo tsa boipolelo ba tumelo le Taolo ya Kerele ya Melao ya Dordt. 24. Kereke ya Gereformeerde e ile ya tlhomiwa leng le fa kae ? Fa tlase ga setlhare sa mogolelakwagodimo kwa Tlhabane (Rustenburg) fa go tlhola letsatsi la bolesome mo kgweding ya Tlhakole ka ngwaga wa 1859. Batho ba ba godileng ba palo ya 300 ba ineetse mo kerekeng e ka letsatsi leo. 25. Go tswa mo, Kereke ya Gereformeerde e ile ya gola ka tsela efe ? Ka go ne go na le “Madopore” a le mantsi mo lefatsheng ka bophara ga simolola diphuthego tse dingwe. Mo ngwageng wa 1859 go ne ga simolola diphuthego tsa Pretoria, Waterberg, Lydenberg, Potchefstroom le Reddersburg mo Foreisitata. Mo ngwageng wa 1860 go ne ga simolola diphuthego tas Burgersdorp, Middelburg(Kapa) le Colesberg. Sekolo sa baruti se ile sa tlhomiwa mo Burgersdorp ka ngwaga wa 1869. Ka ngwaga wa 1905 sa fetisetswa kwa Potchefstroom. Mo go sone go tlile Yunibesiti ya Bokreste ya Thuto e e Phagameng ya Potchefstroom. 26. Maitshwaro a tokololo ya Kereke ya Gereformeerde e tshwanetse ya ba eng le ditokololo tsa dikereke tse dingwe ? Mo go rona Modimo o batla gore re nne tirisanommogo le botlhe ba ba tlotlang Modimo le Lefoko la One. Re rapele Modimo gore ka nako ya One a re tlisetse bongwe ba tumelo mo gare ga dikereke gore go nne le tirisanommogo. Ka lerato le tlotlo e bontshe batho ba ba fapogileng le tselsa gore ba dira diphoso. Re tshwanetse ra itlhabolola ka nako tsotlhe gore re latele bonnete ba Lefoko la Modimo. 34
KGAOLO YA BOROBONG /9 TIRELO YA MOPHUTHEGO MO KEREKENG 1. BOPHELO BA GAGO BA TEBOGO MO KEREKENG (MMELE WA GA KERESETE) 1.1 Ke goreng re phele ka bophelo ba tebogo fa pele ga Modimo ? Baroma 6:13 Rona ka borona ga re kgone go phela bophelo ba tebogo fa pele ga Modimo. Go ya ka Baroma 12:1, 2 (Melao ya Thuto ya Dordt 5:14) ke Modimo fela o o ka re thusang go phela jaana. Ke Mowa o o Boitshepo o o phelang mo go rona mme o re fetola go nna seriti sa Modimo (Katakesema ya kwa Heidelberg Karabo 86, Boipolelo ba Tumelo ba Nederland Athikele 24). Tebogo e re e lebise go Modimo ka gonne ke One o o re fang tsotlhe ka bontsi mme rona jaanong re e fetisetse go bangwe ka rona. Go dira jaana go tswa mo Modimong. (Katakesema ya Heidelberg Karabo 55) Mo go Baroma 12:9-21 re rutiwa gore re dire jang. Bagalata 5:22-23; Bakolose 3:12-17 2. GO FETISETSA TEBOGO YA GAGO KWA NTLE Mo go Matheo 5:13 re bona gore boikarabelo ba rona bo feta phuthego e re leng mo go yone. Ka re le letswai le lesedi la lefatshe re tshwanetse ra phela jaana gore batho ba lemoge mokgwa o re phelang ka teng. Ka go dira jaana re tla kgona go sokolola batho(Johane13:35) Ka go direla ba bangwe molemo, (Petero 3:9) re ka kgona go nna dipaki tsa lerato la Modimo, bopelotlhomogi ba One le kgalalelo ya One. (1Petero 2:12, 3:15) Bakeresete ba tshwanetse ba itshware jaaka Keresete mme ba phele jaaka Ene. Re tshwanetse ra itshwara jaaka baporofeta, baperisita le dikgosi (Katakesema ya Heidelberg Karabo 12). Baporofeta – Re ipuele ka ga Leina la One, mme re o bone Morena e le yo o tsogileng yo a yang go tlhagelela mo marung kwa bofelong. Baperisita – re iphe go One re le diphisego tsa tebogo (Baroma 12: 1,2). Dikgosi – jaanong re kgona go laola gammogo le Keresete gore re tlhole sebe. (Baroma 6:6, 11-13) O ka dira eng ka dimpho tsa gago go direla : a) Modimo b) Mongwe ka wena c) Ba ba latlhileng Modimo, go boela mo go Keresete le Kereke ya Gagwe ? 3. KAROLO YA MOLAO WA MODIMO MO MAPHELONG A RONA A TEBOGO. Go ya ka Kgolagano ya Segologolo mo Beibeleng re tshwanetse ra salela Molao wa Modimo morago mo dintlheng tsotlhe tsa one. Paulo o re bontsha gore ga re kgone go diragatsa se Molao o se batlang. (Baroma 7:15, 16, 21) Morena Jesu o re golotse mo molaong o mme a re neela bophelo bo bo sa feleng. Molao o santse o batlega mme jaanong e le tsela ya go tlhagisa ditebogo tsa rona mo maphelong a rona. 4. MELAO E LESOME 4.1 Matseno a Molao Kgololosego go tswa mo botlhankeng ba Egepeto (Ekesodu 20:1) ke motheo malebana le lerato la Modimo. Ka a re golotse le mo botlhankeng ba dibe re tshwanetse ra obamela Melao e lesome go bontsha tumelo ya rona. 35
Page 2 and 3: Senkgwe sa Bophelo Phasaladitswe ke
Page 4 and 5: 2. BEIBELE JAAKA E LE MOTSWEDI WA T
Page 6 and 7: KGAOLO YA NTLHA / 1 TSELA YA POLOKO
Page 8 and 9: 2.4.2 Go swaa ga motho wa kgale ke
Page 10 and 11: KA NATEFATSO O AMOGELA DITIRELO TSA
Page 12 and 13: 1.3.4 A motho a ka itse gore mo nak
Page 14 and 15: 4:10 Maikarabelo a modumedi mongwe
Page 16 and 17: KGAOLO YA BONNE / 4 TLHAELETSANO MO
Page 18 and 19: Modimo o batla go bua le wena ka di
Page 20 and 21: 4.2.2 Karabo ya Modimo go Paulo ke
Page 22 and 23: 4.2 A go na le pharologanyo mo gare
Page 24 and 25: Bahebera 12:5-8 Lefoko le la go ru
Page 26 and 27: Ditiro 2:42, 46; Baefeso 5:18-20; 1
Page 28 and 29: 2. KERESETE O BITSA BATHO BAFE GO W
Page 30 and 31: 6. BOPAKI MO KEREKENG 6 (Lokwalo lw
Page 32 and 33: 7. Umaka dithuto di se kae tse di f
Page 36 and 37: Bophelo ba tumelo bo ka akaretswa m
Page 38 and 39: Katakesema ya Heidelberg Karabo 103
Page 40 and 41: Motho wa segompieno ga a batle go d
Page 42: Gase gore dikakanyo tsotlhe le ditl

Senkgwe sa Bophelo - cjbf.co.za

Create successful ePaper yourself

Delete template?

Save as template?