Senkgwe sa Bophelo - cjbf.co.za

15. Go ile ga amogelwa le dikwalo dife mo Sinotong ya Dort ?
Go ile ga amogelwa Dikwalo tse tharo tsa Boipolelo ba Tumelo ya Tlhabololo
(Diformiliri tse tharo tsa bongwe) e le boipolelo ba tumelo mo dikerekeng tsa
Tlhabololo tsone e ne e le Melao ya Dithuto tsa Dordt, Katakesema ya Heidelberg (e
e rulagantsweng ke Ursinus le Olevianus ka 1563) le Boipolelo ba Tumelo ya
Nederland (e e rulagantsweng ke Guido de Bres ka 1561). Gape go rulagantswe le
Melao ya Tsamaiso ya Kereke mo go beilweng ditheo tsa go laola tsamaiso ya
kereke.
16. Go ile ga simolola ditatlhego dife tsa semowa morago ga Tlhabololo – thata mo
kgaolong ya ngwagakgolo wa bosomerobedi – mo Yuropa tse di ileng tsa
tsenenelela taolo ya kereke ?
16.1 Thuto ya Botho : Go godisa motho ka boene.
16.2 Thuto ya Boikakanyo: Go amogelwa fela dilo tse di kgonwang ke kakanyo ya motho.
16.3 Thuto ya Boikutlwelo: Tse di amiwang go tswa mo maikutlong a me fela.
16.4 Boikgololo: Boitaolo ba motho bo eme kwa pele.
17. Diteng tsa semowa tsa kereke tse di tlileng mo Aforika Borwa le Jan van
Riebeeck fa letsatsi la borataro le tlhola mo kgweding ya Moranang mo
ngwageng wa 1652 di ne di le dife ?
Kereke ya ntlha mo Aforika Borwa e ne e ipeile mo lefokong ka Modimo le mo
moweng wa Tlhabololo. Go ne go rutiwa diformoliri tsa bongwe mme tsa dirisiwa. Mo
dithapelong tsa ntlha go ne go rapelwa gore Modimo a tlhome Tlhabololo mo
lefatsheng le la rona. Go ne go rerwa le Katakesema ya Heidelberg. Bagogi le
batlhanka ba ne ba tshwanetse ba saene formoliri ya gore ba tla tsweletsa tumelo ya
Tlhabololo pele. Ditshebeletso mo dingwageng tse sometharo tsa ntlha di ne di
rulagantswe go tswa Telasising ya Amsterdam kwa Nederland.
18. Moruti wa ntlha kwa Kapa e ne e le mang ?
Moruti Johan van Arckel go tloga 18 tsa Phukwi 1665 go fitlhela Ferikgong1669, fa a
tlhokofala.
19. Go ne go na le dilo tse di neng di sa siama mo kerekeng mo ngwagengkgolo
wa somerobedi mo kerekeng?
Ka kereke e ne e golagantswe le Kereke ya kwa Nederland ka dithuto tsa teng go ne
go rena, Boikakanyo, Botho, Boikutlwelo, Boikgololo le Boitaolo mo kerekeng ya mo
gae.
20. Ke eng gape se se ileng sa busetsa kereke morago ?
Buka ya dikopelo tsa kwa Nederland le yone e ile ya simolola go dirisiwa go tloga
ngwageng wa 1814. Fa tlase ga taolo ya Maesemane morago ga 1806 go ne ga tla
baruti ba Maesemane le Masekotishe ba ba ileng ba gatela tumelo ya maikutlo. Mo
ngwageng wa 1824 Sinoto ya ntlha e dumetse go amogela dithulaganyo tsa 1806 tsa
Kereke ya Nederland ya Kgosi Willem 1.
21. “Madopore” e ne e le bomang pele ga 1859 ?
E ne e le setlhopha sa balemi ba ba neng ba sa fokelwa ke Boitaolo le Boikutlo mo
ditumelong tsa bone ka ba ne ba le kgakala le phokelo ya teng. Bone ba ne ba
tshwaretse mo Beibeleng, Dikwalo tsa Boipolelo ba Tumelo le boswa bo ba neng ba
na le bone ba Calvyn. Ba ne ba sa dumele mo Dikopelong tsa Efangedi le go tlogela
ga Melao ya Dordt mo tsamaisong ya kereke. Ba ne ba ikutlwa ba tseetswe efangedi
ya maitshwaro le tlhaolo go tswa mo loratong la Modimo ka boene. Setlhopha se
segolo sa badumedi sa “madopore” se ile sa tsamaya le bafudugi mo Khudugong e
kgolo ya lefsatshe la rona. Ba ya kwa Foreisitata le Natal
22. Moruti Dirk Postma o tlile jang mo Aforika Borwa ?
Re ka nna ra re ka letlhogonolo.Sinoto ya Diereke tsa Sekeresete tse di itlhaotseng
tsa Kereke ya Tlhabololo di ne di mo rometse go thusa go katisa baruti le barutabana
33