Senkgwe sa Bophelo - cjbf.co.za

a beye taolo ya bone mo kgatelelong le mo dikgalemelong. Ba thusa balatedi ba
bone ka lerato. Mo gare ga batho go tshwanetse ga rena taolo e ya lerato ya
Modimo.
4.7 Molao wa borataro
Ekesodu 20:13 – O seka wa bolaya.
Modimo ke One o go neileng bophelo. Ke One fela o o ka bo tsayang gape. Ka
motho a bopilwe ka setshwano sa Modimo (Genesi 9:6) ene ke morwedi wa seriti sa
Modimo a se ke a bolawa.(Genesi 1:26,27) .
Tshwanelo ya go ka bolaya motho, Modimo o e beile mo diatleng tsa mmuso fa go
bolaiwa motho yo mongwe (Baroma 13:40. Katakesema ya Heidelberg Karabo 105).
Maphelo a baagi ba mmuso a tshwanetse go siriletswa.
Re seka ra tseela batho ba bangwe botho jwa bone ka ditiro tsa rona. Se se dirwa ka
go ba tlhoa le go bua maswe ka ga bone.
A mafoko a gago a kgona go bolaya motho ?
Matheo 5:21-22; 1 Johane 3:15, 20
Tshenyegelo e ka nna molao naa ?
A motho a ka bolawa go mo golola?
A nka tsenela ntwa ya lefatshe kgotsa ya mokgatlho wa kgololosego ?
A ke dumelwa go ka bolaya motho ka a mpolaetse mongwe ?
A nka ithekela tlhobolo go iphemela ?
Ga tweng ka go ipolaya (1 Bakorinthe 3:17)? ( Go ipolaya le go ipaya mo
kotsing go farologane jang ? )
Go tshwanetse ga diragala eng ? Molao o wa borataro re ka o phela jang ?
Matheo 5:44
Lerato go mongwe ka wena le botlhokwa. Re ka le dirafatsa mo matlhakoreng a
le mararo.
Diane 19:8; Baefeso 5:28; Matheo 7:12; 22:39
4.8 Molao wa bosupa
Ekesodu 20:14 – O seka wa akafala
Go buiwa ka bong ba rona. Bong ba rona bo laolwa ke kamano e re e nang le
Modimo. Ka e le Modimo yo o tlhomileng lenyalo (Genesi2:18, 21-24) le tlhola le
bapisiwa le kamano e re nang le yone le Modimo. Lenyalo ke kamano e e boitshepo.
(Baefeso 5:32). O tlhomile lenyalo ka mabaka a a latelang:
1. Genesi 1:28 – Go atafala mo lefatsheng
2. Genesi 2:18 – Gore motho a seka a tlhola a dula a le esi.
3. Sefela sa difela1:2-4 – Re nnele boitumelo mo lenyalong
4. 1 Kor 7:2 – Go re femela mo go akafaleng
Katakesema e bua ka tlhamalalo ka go itshwara sentle mo lenyalong.
Go tewa eng fa o sa itshware sentle mo lenyalong ?
Katakesema ya Heidelberg Karabo 108
Go akafala go akaretsa eng ?
Katakesema ya Heidelberg Karabo 109
39