Senkgwe sa Bophelo - cjbf.co.za

Modimo gase Modimo wa ditlhakatlhakano mme o Modimo wa tsamaiso e e
lolameng.(1 Bakorinthe 14 :33) Go tsamaisa kereke ka tshwanelo e tshwanetse ya
tsamaisiwa ka ditheo tse di tswang mo Beibeleng. Ke ka moo go tlhomilweng melao
ya tsamaiso go tswa mo Lefokong la Modimo.
Athikele ya ntlha ya Melao ya Tsamaiso ya Kereke e tlhalosa maikaelelo a melao e.
(Athikele ya ntlha ya Melao ya Tsamaiso ya Kereke)
Re ka oketsa tshedimosetso ka go bala Boipolelo ba Tumelo ya kwa Nederland
Athikele ya 32. Melao e ya tsamaiso ga e lekane le Beibele le Dikwalo tsa Boipolelo.
E ne e rulagantswe go tsamaisa taolo le go bopa bongwe.
Re na le dikarolo di le pedi ebong tsamaiso ya taolo le kereke. Motheo wa se se
tlhalosiwang ka kereke e le mmele wa ga Kresete. Ka moo ditheo tsa teng di tswa mo
Beibeleng, gagolo mo Testamenteng e ntšha.
Fa re lemoga sentle gore tsamaiso ya kereke le yone e agilwe mo leseding la lefoko
la Modimo. Tsamaiso e tshwanetse ya okeletswa ka ditshweetso tse di tsewang mo
disinotong. Le tsone di tshwanetse tsa bopiwa go tswa mo Lefokong la Modimo.
4. THULAGANYO YA TAOLO YA KEREKE
Mokgwa o Kerele ya Gereformeerde e laolwang ka teng o bidiwa thulaganyo ya
“presbytery” taolo ya lekgotla la bagolwane mo kerekeng. Go raya gore go laola
bagolo / bagogi.
Ditheo tsa teng ke:
4.1 Keresete ke tlhogo ya Phuthego e nngwe le e nngwe.
4.2 Phuthego e simolola fa go kopana badumedi ba bakresete. E tshwanetse ya tlhoma
badiredi ba teng. Bone ba tshwanetse ba rulaganye tsamaiso ya teng go tswa mo
taolong ya melao ya kereke.
4.3 Mmele wa ga Keresete o teng mo go tlhomileng phuthego e e emeng ka boyone.
4.4 Keresete o laola ka bagogi mo leineng la Gagwe.
4.5 Mmuso ga o na taolo epe mo kerekeng. Kereke le yone ga e na taolo epe ya
mmuso. Ke ditaolo tse pedi tse di sa tshwaneng. Di tshwanetse tsa dumela gore taolo
e teng mme di farologanye. Mmuso one o fe Kereke tulo ya go ka dira tiro ya yone.
Re fitlhela tlhaloso e e tletseng mo Boipolelong ba Tumelo ya Nederland mo
Athikeleng ya 36.
5. DIKOPANO TSE DI KOPANETSWENG
Godimo ga dikopano tsa phuthego go na le dikopano tse dingwe:
Melao ya tsamaiso ya Kereke 41; 47; 50; 51
Ke mo go kopanang diphuthego di se kae. Mo go sekasekiwa fela dintlha tse di sa
kgonweng go fedisiwa ke phuthego ka boyone – jaaka katlholo ya badiredi le dintlha
tse dingwe tse di amang dikereke tsotlhe. Phuthego ya mo gae ke yone. Dikopano
tse tsa diphuthego ke go bopa bongwe mo gare ga diphuthego. Barongwa mo
diphuthegong tse, ba a tlhophiwa ga ba na bodulelo. Ba dira tiro ya bone mme ba a
gololwa.
Kopano e ya diphuthego ga e fete taolo ya phuthego mo gae. Ka ba le setlhopana go
dumelwa gore ba na le lesedi le katlholo e e fetang ya mo gae.
Ba kopana go bopa Tlasisi. Go kopanwa gabedi mo ngwageng. Gangwe ka ngwaga
Ditlasisi di kopana go bopa Sinoto e e Tlhaotsweng. Barongwa gape ba kopana
ngwaga mongwe le mongwqe wa boraro go bopa Sinoto ya Semmuso. Nako tsotlhe
go tlhopiwa barongwa ba bangwe go tsenela kopano.
29