Senkgwe sa Bophelo - cjbf.co.za

KGAOLO YA BOROBEDI / 8
HISTORI YA KEREKE KA BOKHUTSHWANE
Go tlhaloganya maemo a o leng mo go one o tshwanetse wa itse sengwe sa kwa o tswang.
Go re fa pono ya mo re lebileng teng.
Histori ya Kereke e fa lesedi mo se Keresete a se dirileng mo kerekeng ya gagwe. O
kgobokanya bakgethiwa ba gagwe go tswa mo ditšhabeng tsotlhe le go tswa mo malemeng
otlhe a lefatshe. Se o se dira ka Lefoko la Modimo le ka Mowa o o Boitshepo. Se o se
diragatsa go tswa kwa tshimologong ya lefatshe le go fitlha kwa bokhutlong ba lone. Le fa go
na le sebe, botlhokotsebe, boingotlo le tsotlhe tse di sa siamang Keresete o siriletsa Kereke
ya Gagwe mme o a e godisa.
Re batla go simolola mo Pasaka re be re fetele mo re leng teng ka tshoganyetso. Ruri-ruri ke
khutswafatso fela. Re tshitshinya gore o tsenelele histori ka bowena gore o tle o itse gore go
tlile jang. Fa o simolola go tlhaloganya histori o tla tlhaloganya gore go tlile jang ka kerke, o
be o itse gore Modimo o tsamaile jang le rona. O tla lemoga lerato la Modimo go kereke ya
One ka dinako tsotlhe.
1. Histori ya Kereke e simolola fa kae ?
E simolola mo parateising ka batho ba ntlha mo lefatsheng Atama le Efa. Kereke e
ntšha e simolola ka Pasika fa go tshololwa Mowa o o Boitshepo go tla go dula mo go
rona le mo kerekeng.
2. Re itse eng ka ga Kereke mo dingwagengkgolo tse tharo tsa ntlha ?
Re bona tlholo / phenyo ya Lefoko la Modimo le Mowa wa One mo gareng ga
kgatelelo le dintwa tse dintsi.
3. Ke mang yo a ileng a dumela gore Bokeresete e nne tumelo e e siriletsegileng
dingwaga di le 313 morago ga matsalo a ga Keresete ?
Mokaisara Konstanteine Mogolo. Ga twe letsatsi le lengwe go le motshegare ke fa a
lemoga sefapano se se phatsimang mo legodimong ka mafoko : “Tlhola / Fenya ka
letshwao le !” Go tloga letsatsi leo bophelo le maitshwaro a gagwe malebana le
Bakeresete go ile ga fetoga.
4. Go tlile jang gore kereke e nne kerke ya mmuso ?
Mokaisara Theodosiose Mogolo o ile a tlhoma tumelo ya Bokeresete e le tumelo ya
mmuso.
5. Go nna kereke ya mmuso go ne ga tlisa mathata a fe ?
Go ile ga tla ditlhopha tsa baheitene go tsena mo kerekeng. Ka tsela e melao ya
mmuso le e e tlhomilweng ke mokaisara e ile ya gapelwa thoko. Ka tsela e go tlile
maitshwaro a le mantsi a a neng a le kgatlhano le Lefoko la modimo mo kerekeng.
6. Ke bomang le mabaka a fe a a ileng a dira gore Kereke ya Baroma e nne teng ?
6.1 Roma e itlhomile e le felo fa go diragalang dilo tsa kereke.
6.2 Mobishopo Gregoriose Mogolo (590-604) wa Roma e ne e le motho yo o neng a na le
seriti se segolo. O ne a dira tiro ya boronngwa mo go Balongobarde mme e simolola
go tlhoma thupiso mo kerekeng gape. Phetolo ya maikutlo a gagwe e ne ya diragala
gotlhe. Go tloga nako eo ke fa mabishopo go tswa Roma ba ipitsa bopapa go raya
ntate / rara. Lefoko le la mopapa le tswa mo nakong e.
6.3 Mopapa Inocentius III o beile taolo ya mmuso fa tlase ga kereke le mopapa. O ne a
tlhoma bakeisara ka thato ya gagwe. Mo kopanong e kgolo ya kereke ka 1215
morago ga matsalo a Keresete o rile Modimo ga a fa taolo ya kereke fela go Petoro
mme o mo neile le taolo ya lefatshe ka bophara. Jaaka batho ba ikoba fa pele ga
Keresete ba ikobe fa pele ga mopapa.
31