Álit um

2. FormæliTað er umráðandi, at eitt lítið samfelag sumFøroyar, ið landafrøðiliga er fjart frá øðrumlondum og hevur væl skipað Apoteksverk.Umráðandi er eisini at hava eina ávísa framleiðsluav heilivági. Hetta er millum annaðein treyt fyri, at ávísar viðgerðir kunnu veitastí sjúkrahúsverkinum.Apoteksverkið eigur stóran lut í føroyskaheilsuverkinum, við at framleiða heilivág, fáa tilvega heilivág, útflýggja heilivág og ráðgeva brúkarumog heilsustarvsfólki í nýtslu av heilivági.Alt bendir á, at ráðgeving er eitt øki sum fer atmennast í komandi tíð, bæði tí at kanningaraðrastaðni vísa, at nógvar inn leggingar á sjúkrahússtandast av, at heilivágur verður skeivtbrúktur, og eisini tí at fleiri sløg av heilivági,sum fyrr hava verið forskriftarskyldug, eru atfáa í handkeypi. Annar týðandi lutur hjá Apoteksverkinumverður at menna framleiðslu avheilivági til útflutnings. Her er talan um heilivág,sum stórar heilivágsfyritøkur ikki síggja nakranhandilsligan vinning í at framleiða, tí at nøgdiner so mikið lítil.Tað hevur verið ein avbjóðing at arbeiða viðuppskoti til landsstýrismannin um framtíðarApoteksverk. Stórar broytingar eru farnar fram áapoteksøkinum í flestum londum kring okkum,síðani lógin í Føroyum seinast varð broytt.Tað er tó ymiskt, hvussu apoteksvirksemi erskipað í hesum londum. Tí hevur verið áhugavertat kanna hesi viðurskifti og samstundissamanborið tey við føroysk viðurskifti, við tíí hyggju at koma við tilmæli til, hvussu vitframhaldandi skipa okkum á skilabestan hátt.Fyrsta apotekið varð sett á stovn í Føroyum í1883, og var líka til 1949 á privatum hondum.Í 1949 varð apotekið yvirtikið sum sermál, oggjørdi landsstýrið tað til almenna ogn.Seinast arbeitt hevur verið við størri broytingumá økinum var í 1988. Tá varð nýggj løgtingslógum apoteksverkið og heilivág samtykt. Honfekk gildi frá 1. januar 1989 . Ll.nr. 104 frá 5. september 1988 um apoteksverkiðog heilivág, sum broytt við løgtingslóg nr. 54 frá 8.mai 1991.Bygnaðarliga hevur Apoteksverkið ment segnógv hesi seinastu árini. Nú eru fýra apotek íFøroyum: Tjaldurs apotek í Tórshavn, Suðuroyarapotek á Tvøroyri, Norðoya apotek í Klaksvík ogEysturoyar apotek í Runavík. Gongur sum ætlað,verða, áðrenn langt um líður, fimm apotek, tíætlanin er at lata upp apotek í Tórshavnarkommunu, uppi í Hoyvíkshaganum.WHO mælir øllum londum til at arbeiðavið heilivágsætlan. Hetta hevur stórantýdning í arbeiðinum áhaldandi at betra umheilsustøðuna, fyribyrgja sjúkum, og yvirhøvurat verja heilsuna hjá borgaranum alt lívið.Arbeiðsbólkurin hevur tí eisini gjørt uppskottil eina heilivágsætlan fyri Føroyar.Arbeiðsbólkurin er sannførdur um, atallir føroyingar framhaldandi vilja hava eittvælvirkandi Apoteksverk, ið útvegar tann rættaheilvágin til tann rætta, í rættari tíð, á rættanhátt í tí rættu góðskuni og við rættari ogneyðugari kunning. WHO, World Health Organization, er serligi heilsustovnurinundir Sameindu Tjóða (ST). WHO varðstovnað 7. apríl 1948Arbeiðsbólkurin er harumframt sannførdurum, at allir føroyingar framhaldandi vilja hava,at Apoteksverkið hevur neyðugan heilivágtøkan, tá á stendur, t.d. tá umfarsóttir takaseg upp.Vit vóna, at hetta uppskotið fer at gevaíblástur til eitt gott kjak um evnið, og atApoteksverkið framvegis kann virka í einiskipan, sum framhaldandi stuðlar undir atmenna verkið til gagns fyri alt samfelagið.Vit veita fyrrverandi íslendska heilsumálaráðharranum,Jóni Kristjánssyni, hjartans tøkkfyri beinasemi at læna okkum serfrøðingin,Einar Magnússon, skrivstovustjóra í íslendskaHeilbrigðis- og tryggingarmálaráðnum, at veraí nevndararbeiðinum.Skrivaranum í arbeiðsbólkinum, RichardSchwartson, takka vit fyri íblástur í sambandivið arbeiðið at gera álitið.Heri Mørkøre, formaður. Álit um Apoteksverkið í framtíðini