You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
fimmtudagur 15. desember 2016<br />
VÍKURFRÉTTIR<br />
39<br />
„sjá þessa líka ofvirku hormóna á<br />
harðasta aldri innan um allar þessar<br />
brjóstgóðu og gjafvaxta konur“<br />
Birkir og Finna, eiginkona hans, að fara í flug 1962.<br />
Birkir 22 ára<br />
flugvélstjóri hjá<br />
Loftleiðum.<br />
Skátafélagið Ernir í Keflavík. Birkir í fremstu röð fyrir miðju.<br />
Vinur hans Þórir Baldursson er annar frá vinstri í efri röð.<br />
14 Birkir fyrir miðju, 17 ára gamall markmaður hjá KFK.<br />
honum svipaði talsvert til Lalla goggs,<br />
enda var hann álíka uppburðarlítill og<br />
feiminn mjög við annað fólk, langur<br />
reyndar á skrokkinn en dularfullur<br />
í hverjum sentimetra. Okkur var<br />
sagt að hann eyddi helst ekki krónu<br />
um sína daga heldur safnaði saman<br />
öllum þeim peningum sem hann<br />
fengi að launum fyrir margvísleg viðvik<br />
í bænum og rúllaði seðlunum svo<br />
saman og brygði teygju um hólkinn.<br />
Loks raðaði hann þeim ofan í tómar<br />
tóbaksdósir og kæmi fyrir undir<br />
rekkjunni sinni í stæðum og stöflum.<br />
Þar sat hann vanalega á kvöldin, svo<br />
sem sjá mátti inn um smávegis rifu á<br />
gættinni hans; fáskiptinn maður og<br />
talaði aldrei við mig, en bauð mömmu<br />
stundum góðan daginn án þess að<br />
þora að horfa í augun á henni.<br />
Í kompaníi við Bjarnfríði og Gústa,<br />
sem hvort virtist efnað á sinn ólíka<br />
máta, leið okkur mömmu nokkuð vel.<br />
Og þótt aðstæðurnar í kjallaranum<br />
væru fjarri því að vera ríkmannlegar<br />
– og svo þröngar raunar að það<br />
hvarflaði aldrei að mömmu að bjóða<br />
þangað nokkurri einustu manneskju,<br />
þá fundum við til öryggis þarna niðri<br />
þar sem kyrrðin ríkti að frátalinni<br />
stöku hrotu úr herberginu hans Gústa<br />
sem við fundum strax að var meinlaus<br />
með öllu og maður friðsemdar.<br />
Mamma gat því hætt að sofa með flökunarhnífinn<br />
undir koddanum sínum.<br />
Það er annar bragur á samfélaginu<br />
á Suðurnesjum en heima á gamla<br />
góða Sigló á þessum árum – og ekki<br />
einasta að þessi sjávarpláss í suðri og<br />
norðri séu afgirt jafn ólíkri náttúru og<br />
landkostum og hugsast getur, heldur<br />
verður þess líka vart hvað nútíminn<br />
bankar miklu harðar á dyr í hinni<br />
villtu og veraldarvönu Keflavík heldur<br />
en norður á þeim þjóðholla Sigló sem<br />
haldið hefur ró sinni hvað sem á hefur<br />
gengið í gegnum tíðina – og þá ekki<br />
síður í gamla siði.<br />
Á meðan síldin flæddi inn á Siglufjörð<br />
flóði allt í víni og vænum mat í<br />
kringum herstöðina í suðri sem kynnti<br />
fyrir Íslendingum allt það nýjasta sem<br />
var að gerast í heiminum jafn hratt og<br />
hressilega og alda breytinganna reið<br />
yfir Ameríku og Evrópu. Þar bar auðvitað<br />
rokkið hæst sem hristi heldur<br />
betur upp í landsmönnum, enda<br />
Ein af Douglas DC-6 flugvélum Loftleiða.<br />
enginn venjulegur hljómflutningur á<br />
ferðinni þar sem gargandi söngurinn í<br />
síendurteknu viðlaginu bar á stundum<br />
hljóðfærasláttinn ofurliði; annað eins<br />
höfðu menn auðvitað ekki heyrt í<br />
fásinninu fram til þessa – og þegar<br />
stjörnur á borð við Bill Haley vestur í<br />
Bandaríkjunum skutust á toppinn um<br />
miðjan sjötta áratuginn með lögum<br />
eins og Rock Around the Clock, vissi<br />
fólk bæði vestan hafs og austan að það<br />
yrði ekki aftur snúið.<br />
Í miðju Atlantshafinu barst þessi kraftmikli<br />
hljómur ofan af Velli eins og<br />
hver önnur áminning um aldahvörf –<br />
og gott ef krakkar og ungmenni voru<br />
ekki byrjuð að klæða sig öðruvísi en<br />
áður þekktist, alltént var farið að sjást<br />
til kvenna í þröngum síðbuxum upp í<br />
aðþrengt mittið sem var óneitanlega<br />
nokkuð skrýtin sjón að sjá – og þær<br />
sem enn voru í pilsum voru farnar að<br />
stytta þau upp fyrir hnésbót og vera<br />
í öllu falli frjálslegri til fara en þekkst<br />
hafði um og upp úr seinna stríði.<br />
Hér skipti auðvitað miklu máli að sjónvarpið<br />
var komið til sögunnar, jafnvel<br />
úti í miðju Atlantshafi, en um sama<br />
leyti og Bill Haley byrjaði að rokka út<br />
í gegn fékk bandaríski herinn á Miðnesheiði<br />
leyfi til sjónvarpsútsendinga<br />
innan herstöðvarinnar, en fram að<br />
því hafði Kanaútvarpið hljómað á<br />
miðbylgjunni um nokkurra ára skeið<br />
og gefið mönnum tóninn fyrir það<br />
sem koma skyldi. Þetta voru alger<br />
nýmæli uppi á köldum klakanum og<br />
slík undur og stórmerki fyrir íslenska<br />
starfsmenn innan girðingar að þá rak<br />
í vörðurnar þegar þeir reyndu að lýsa<br />
þessum ósköpum fyrir óbreyttum<br />
Suðurnesjamönnum niðri í bæ.<br />
Sendingar Kanasjónvarpsins náðust<br />
í fyrstu lítt út fyrir Vallarsvæðið, en<br />
eftir því sem sendistyrkurinn var<br />
aukinn á næstu árum gátu æ fleiri<br />
íbúar á suðvesturhorni landsins náð<br />
fjölbreyttri dagskránni sem var borin<br />
uppi af bandarískum skemmtiþáttum<br />
og bíómyndum – og þar var engum<br />
frönskum barnamyndum til að dreifa<br />
eins og maður hafði vanist norður á<br />
Sigló heldur alvöru reiðmönnum eins<br />
og Roy Rogers og Kit Carson og svo<br />
náttúrlega norskættaða leikaranum James<br />
Arness í myndaflokknum Gunsmoke<br />
þar sem hann túlkaði hörkutólið<br />
Matt Dillon með þvílíkum tilþrifum<br />
að hvorki fyrr né síðar hefur nokkur<br />
lögga í villta vestrinu verið jafn sannfærandi.<br />
Þá var heldur ekki ónýtt fyrir<br />
íslenska ungviðið að kynnast ævintýrum<br />
Rin Tin Tin og Lassie, að ekki<br />
sé talað um svaðilfarir Súpermanns<br />
sem flaug um skjáinn í skikkju sinni<br />
göldróttri.<br />
Hér kvað við nýjan tón og hér mættust<br />
líka tveir harla ólíkir menningarheimar,<br />
svo jaðraði við býsna alvarlegan<br />
árekstur. Alltént hafði íslenska<br />
lögreglan ekki áður verið kvödd að<br />
heimahúsi vegna heiftarlegs rifrildis<br />
hjóna sem deildu hart og lengi um<br />
afþreyingu kvöldsins; konan vildi<br />
skemmtiþátt Svavars Gests á meðan<br />
karlinn vildi ekki heyra minnst á það<br />
volæði og heimtaði að sjá hinn eina<br />
sanna Bonanza.<br />
Það var líkast því sem öðrum vonum<br />
og væntingum hefði allt í einu skolað<br />
á land – og fyrir vikið breyttust gildin;<br />
með sjónvarpinu fylgdu ágengar auglýsingar<br />
um það hvernig unga fólkið<br />
og þá einkum stelpurnar ættu að<br />
klæða sig og snyrta og hvernig þær<br />
yrðu yfir sig hamingjusamar ef þær<br />
fengju í hendur nýjustu heimilistæki á<br />
borð við ryksugu og ristavél, hrærivél<br />
og hreingerningatól sem áttu að virka<br />
eins og töfrar inni á gljáandi og sólríkum<br />
heimilum þeirra.<br />
Þetta var allt saman frekar skrýtið í<br />
huga litla alþýðupiltsins sem fremur<br />
en angandi eldhúsa minntist matargerðar<br />
inni í miðstöðvarklefa á<br />
þessum brokkgengu tímum og var<br />
vanur því að hneppa koti sínu í þykka<br />
ullarsokkana sem hvort tveggja var að<br />
öllum líkindum að detta úr tísku.<br />
Það er eins og maður lifi tímana<br />
tvenna á þessum barnsaldri íslenska<br />
lýðveldisins – og enda þótt nútíminn<br />
sé spennandi með öllum sínum nýjungum,<br />
vil ég samt ekki eldast of hratt<br />
– og held þéttingsfast fram eftir öllum<br />
unglingsaldri í þróttmikið skátastarfið<br />
í bænum, þar sem spilað er og sungið<br />
fram eftir öllum kvöldum með hljómvísum<br />
strákum á borð við Þóri Baldurs;<br />
hvergi líður mér nefnilega betur<br />
en á öllum þeim skátamótum sem ég<br />
sæki og færa mér þær þrautir allar og<br />
verkefni sem hugurinn girnist mest á<br />
þessum ærslafullu árum þegar maður<br />
getur fundið fróun sína í að hnýta og<br />
leysa einn og sama rembihnútinn svo<br />
tímunum skiptir, en helst kem ég þó<br />
sjálfum mér á óvart með því að læra<br />
smám saman á gítar, sem ekki er galið<br />
í ging-gang-gúllí-söngvunum öllum.