Create successful ePaper yourself
Turn your PDF publications into a flip-book with our unique Google optimized e-Paper software.
54 VÍKURFRÉTTIR<br />
fimmtudagur 15. desember 2016<br />
VERÐA<br />
NORÐURLJÓS<br />
Í KVÖLD?<br />
Sigrún Ýr Hjörleifsdóttir<br />
starfar í samfélagsmiðladeild Icelandair<br />
Hildur Björk Pálsdóttir<br />
hildur@vf.is<br />
„Við fáum alls kyns fyrirspurnir til<br />
okkar í gegnum samfélagsmiðla,<br />
allt frá því að breyta bókunum yfir í<br />
hvenær norðurljósin sjást á Íslandi.<br />
Farþegarnir okkar eru líka virkir í að<br />
skrifa skemmtilegar athugasemdir<br />
við það markaðsefni sem Icelandair<br />
birtir,“ segir Sigrún Ýr Hjörleifsdóttir,<br />
en hún starfar í samfélagsmiðladeild<br />
Icelandair, sem var stofnuð fyrr á<br />
þessu ári.<br />
Markaðs- og auglýsingaaðferðir hafa<br />
tekið miklum breytingum á undanförnum<br />
árum og hafa mörg fyrirtæki<br />
stofnað sérstakar samfélagsmiðladeildir.<br />
Þar starfar fólk við það að birta<br />
efni og upplýsingar og svara fyrirspurnum<br />
fyrir hönd fyrirtækis síns á<br />
samfélagsmiðlum eins og Facebook,<br />
Twitter og Snapchat. Fyrsta samfélagsmiðladeildin<br />
hjá íslensku fyrirtæki<br />
var stofnuð árið 2011 og hefur þeim<br />
farið ört fjölgandi, enda kröfur viðskiptavinanna<br />
að breytast og einnig<br />
vettvangur markaðssetningar, þá sérstaklega<br />
sem beint er að ungu fólki.<br />
Sigrún Ýr er menntaður almannatengill,<br />
en hún lauk BSc prófi í „Mass<br />
Communications,“ sem þýða mætti<br />
sem boðskipta- og fjölmiðlafræði, og<br />
útskrifaðist hún af almannatengslabraut<br />
frá Florida International University<br />
í Miami. „Sem menntaður almannatengill<br />
nýtist námið mér vel að<br />
því leyti að ég lærði vel inn á alla samfélagsmiðla,<br />
hvaða áhrif þeir geta haft.<br />
Ég svara fyrir hönd fyrirtækisins um<br />
leið og ég passa upp á ímynd þess. Ég<br />
starfaði einnig sem umsjónarmaður<br />
í farþegaafgreiðslu Icelandair hjá IGS<br />
og fyrri reynsla á flugvellinum kemur<br />
sér mjög vel í þessu starfi,“ segir Sigrún<br />
Ýr.<br />
Aðspurð um helstu verkefni starfsmanna<br />
samfélagsmiðladeildarinnar<br />
segir hún þau vera að fylgjast með<br />
öllum samfélagsmiðlum Icelandair,<br />
sem eru Facebook, Twitter, Instagram,<br />
YouTube og LinkedIn og svara fyrirspurnum<br />
sem berast þeim frá öllum<br />
heimshornum. „Einnig fylgjum við<br />
eftir því markaðsefni sem Icelandair<br />
sendir frá sér á samfélagsmiðlum<br />
samhliða því að vaka yfir ímynd<br />
vörumerkisins. Við erum átta manns<br />
í deildinni, en hún tilheyrir Service<br />
Center Icelandair sem er undir Söluog<br />
markaðsviði og vinnum við í nánu<br />
samstarfi við flest öll svið fyrirtækisins.“<br />
Farþegar Icelandair leita mjög mikið<br />
til fyrirtækisins í gegnum samfélagsmiðla<br />
og fer sá hópur ört stækkandi<br />
að sögn Sigrúnar. „Flestir eru beintengdir<br />
við þessa miðla á snjallsímum<br />
sínum og því auðvelt að hafa samband<br />
við okkur í gegnum þá. Icelandair er<br />
til staðar þar allan sólarhringinn að<br />
þjónusta viðskiptavini sína.“ Spurð<br />
út í kröfur viðskiptavina um svartíma<br />
segir Sigrún Ýr að öllu jöfnu sé svartími<br />
Icelandair innan þrjátíu mínútna.<br />
„Einstök flóknari tilfelli taka lengri<br />
tíma, þegar leita þarf til annarra deilda<br />
fyrirtækisins. En með góðu samstarfi<br />
milli deilda náum við að þjónusta farþegann<br />
eins og best verður á kosið.“<br />
Sigrún Ýr starfaði áður sem umsjónarmaður í Farþegaafgreiðslu IGS á Keflavíkurflugvelli og segir reynsluna þaðan nýtast<br />
vel í starfi sínu hjá Icelandair.<br />
„Flestir eru beintengdir<br />
við þessa miðla á<br />
snjallsímum sínum“<br />
Sigrún Ýr á útskriftardaginn sinn í Miami í Bandaríkjunum.
Change language