სარჩევი რედაქტორისგან - 3 ,,ბილივის” შესახებ - 4 ჩემი ქალაქი - 6 მათ შექმნეს ეპოქა... - 8 მასწავლებელთა მასწავლებელი - 10 მუსიკა ჩვენშია - 12 აბრეშუმზე ნატიფად მხატვარი - 14 ცეკვაზე შეყვარებული - 16 ქართული მოდის ახალი სახე - 18 ემიგრანტები - 20 სპორტსმენები - 25 სახლების სახლი - 28
რედაქტორისგან გ ულითადად მოგესალმებით, სურვილი, “ბილივის” ახალგაზრდული ჯგუფისა და მეგობართა გუნდის ერთობლივი ძალისხმევით, შექმნილიყო ჩვენი ქალაქისადმი მიძღვნილი ჟურნალი, საინტერესო გამოწვევა იყო თითოეული ჩვენგანისთვის. ჯ ეროვნად და უანგაროდ განახორციელო ინოვაციური იდეა, აკეთო ქალაქისთვის და საზოგადოებისთვის სასარგებ- ლო საქმე, ღირსეულად წარმართო პროცესები სოციალურად დაუცველთა, შეზღუდული შესაძლებლობების მქონე და სხვა მრავალი, განსაკუთრებული საჭიროებების მქონე ადამიანის პირობების გაუმჯობესებისთვის-ეს “ბილივის” გუნდის სავიზიტო ბარათია... ამიტომაც, პასუხისმგებლობა დიდი იყო, ინიციატივა-საინტერესო და მიმზიდველი. ე ნთუზიაზმით გაერთიანებული ადამიანების გუნდმა, ვისაც სჯერა “ბილივის” შესაძლებლობების, ცვლილებების საჭიროების, თანადგომის ძალის-შემოიკრიბა ნიჭიერი, მონდომებული, საინტერესო ფოთელი ახალგაზრდები: თაობა, ვისაც სჯერა... თაობა, რომელიც იდეებით მოდის... რ უდუნებითა და სიყვარულით იქმნებოდა ეს ჟურნალი, როგორც ჩვენი ქალაქის ცხოვრების დასანახად გამოღებული ერთი პატარა სარკმელი. ფონდ “ბილივის” დამფუძნებლებს, ახალგაზრდული ჯგუფის წევრებს, ამ ჟურნალის შემქმნელებს, ჩვენი ქალაქური ისტორიების გმირებს, ყველას ერთად - სიკეთის ქმნისკენ სწრაფვა, ქველმოქმედება და მისი ქალაქის სიყვარული აერთიანებთ. ყველა ამბის, ისტორიის, ბიოგრაფიის, მთავარი გმირისა თუ პერსონაჟის მონათხრობის წაკითხვისას, ავანსცენაზე დგას ქალაქი ფოთი - მისი საინტერესო წარსულით, მომლოდინე დღევანდელობით, იმედიანი მომავლით... ო პტიმიზმით გვავსებენ ისტორიები საუკუნის ლეგენდებზე: ქველმოქმედ მკურნალზე, ფოთელთა ხსოვნაში უხი- ლავი ძეგლი რომ დაიდგა და მსოფლიო მასშტაბის კარდიოქირურგზე, ათიათასობით გული რომ გადაურჩენია და საკუთარი-ამ ქალაქისკენ მოუწევს... დ აუღალავად შეუძლიათ გესაუბრონ ფოთზე მის ქუჩებში გაზრდილ სპორტსმენებსა და ბლოგერებს; ემიგრანტებს, ყველაზე და ყველაფერზე მეტად, ფოთის ქუჩებში გავლა რომ ენატრებათ; წარმატებულ ახალგაზრდა ინტელექტუალებს, ხელოვანებს... აბრეშუმზე ნატიფად მხატვარსა და ცეკვაზე შეყვარებულ ბალეტის მასწავლებელს, “ჟიზელთან” ერთად, მისთვის დამახასიათებელი საოცარი ექსპრესიულობით, შმიტის “ოსკარსა და ვარდისფერ ქალბატონს” რომ გვაყვარებს... ქართული მოდის ახალ სახეს, ფოთში გაზრდილ გოგონას-გამორჩეული ხელწერითა და სტილით... ე რთგულებით საყვარელი პროფესიისა და საქმისადმი - გაგაოცებთ საუკუნის ლეგენდადქცეული მასწავლებელის ამბავი; გაესაუბრებით ფოთის საპატიო მოქალაქეს, მუსიკოს ქალბატონს - საფიცარ ქალაქს რომ უმღერის... იმ ქალაქს, რომელმაც, ასე უბრალო და ფამილარული რეგალია - “ჩვენი ნანი” მიანიჭა; თითოეულისგან პირველი სიტყვაა: ჩემი ქალაქი... ეს გამოცემაც ჩემი, შენი, ჩვენი ქალაქისადმი სიყვარულში გამოტყდომაა! ს იყვარულით გელოდებათ თქვენი “სახლების სახლი”, უნიჭიერესი გოგონასგან შერქმეული ყველაზე ზუსტი სახელი ჩვენი საერთო სახლისა, რომელსაც, სადაც უნდა წახვიდე, შენად მიიჩნევ და შინაურულად, უბრალოდ, თბილად უხმობ: ჩემი ქალაქი... 3
Change language