Bæjarlíf maí 2018

More documents

Recommendations

Info

4 Bæjarlíf, brosandi blað – 5. tölublað 2018 Fjársjóðurinn í fólkinu! Amma og umhverfismálin Nú 26. maí næstkomandi eru sveitarstjórnarkosningar. Vikurnar fram að kosningum í litlum samfélögum eins og okkar geta oft verið ansi skrítnar og samskipti fólks eiga það til að breytast. Fólk flokkar hvort annað í lið, þrætir um hluti sem það myndi á öðrum tíma aldrei ræða, hætta að heilsast og jafnvel alveg að tala saman. Ekki eru þó allir í þessum gír og þetta tímabil gengur yfir og komast vonandi flestir ósárir frá því. En er ekki gott mál að íbúar hafi skoðanir á málefnum í sínu sveitarfélagi? Sýnir það ekki bara að fólki er ekki sama? Hér í Ölfusi búum við í sveitar félagi sem hefur allt að bera til að vera einn besti, ef ekki besti búsetukostur á landinu. Við erum vel staðsett. Við höfum frábæran skóla og leikskóla með frábæru starfsfólki. Allar olfus.is aðstæður til íþrótta, tómstunda og útiveru eru þannig að fólk sem heimsækir okkur verður orðlaust. Við höfum náttúruperlur við hvert fótmál sem bjóða upp á óendanleg tækifæri. Í atvinnumálum eru endalausir möguleikar og með höfnina sem flaggskipið eigum við að stuðla að framúrskarandi umhverfi fyrir fyrirtæki af öllum stærðum og gerðum, jafnt í dreifbýli sem og þéttbýli. En stóri fjársjóðurinn í Ölfusi er fólkið sem hér býr. Fólkið sem hefur svo miklar skoðanir á því sem gert er og hvernig staðið er að hlutunum. Fólkinu sem er ekki sama. Fólk sem kom og byggði þetta samfélag upp af dugnaði og bjartsýni. Það fólk á skilið að búa á heimaslóðum með góða þjónustu við góðar aðstæður síðustu æviárin sín. Fólkinu sem er að byggja þetta samfélag upp af dugnaði og bjartsýni og á skilið framúrskarandi þjónustu og aðstæður fyrir sig og sína. Fólkið hér er stóra málið. Hér á D-listanum í Ölfusi er hópur af flottu fólki sem býður fram krafta sína næstu 4 árin til að stýra þessu sveitarfélagi. Ég leyfi mér að segja að allir bjóða sig fram til að gera sitt besta. Gera það sem það telur best fyrir samfélagið okkar. Fyrir fólkið okkar hér í Ölfusi og gera lífið betra. Kjörskrá vegna sveitastjórnarkosninga 25. maí 2018 Gestur Þór Kristjánsson 1. sæti D listans í Ölfusi Fyrr í vetur þegar ég var spurð hvort ég hefði áhuga á að koma á lista framfarasinna og félagshyggjufólks fyrir sveitastjórnarkosningarnar í ár varð ég nokkuð hugsi og þurfti langan tíma til á ákveða mig. Fyrir mig var þetta nokkuð stórt skref, fyrst og fremst kannski vegna þess að ég er frekar þessi prívat týpa og sækist ekki eftir athygli í tíma og ótíma. Mér fannst líka hugsunin um að fara fram gegn öðru, og oft frábæru fólki mjög skrýtin en það var líklega tvennt sem ýtti mér fram að brúninni. Annars vegar það að fatta að ég er ekki í framboði gegn neinum, heldur fyrst og fremst að bjóða fram krafta mína, vonandi samfélaginu til heilla. Hins vegar var það samtalið við ömmu Rúnu og þegar ég spurði hana um hvort ég ætti að taka boðinu um að vera með á lista fyrir sveitastjórnarkosningarnar. Hún var ekki lengi að svara og sagði ,, Auðvitað gerir þú það Harpa, við þurfum fólk eins og þig og allir þurfa að leggja til samfélagsins“. Ég átti ekki von á svona afgerandi svari frá ömmu og í framhaldinu ákvað ég að fara eftir þessum skýru leiðbeiningum. En talandi um þá sem á undan okkur ganga og svo þá sem á eftir okkur munu koma. Í mínum huga eru umhverfismál og hvernig við vinnum að þeim eitt af lykilverkefnum stjórnvalda í dag og á það einnig við um stjórnsýsluna heima fyrir. Það er mjög mikilvægt að við finnum leiðir til að auka vægi umhverfismála í allri stefnumótun og ákvarðanatöku sveitarfélagsins. Við þurfum að huga að sjálfbærri þróun og verndum umhverfisins um leið og við tryggjum hagsmuni almennings. Sveitarfélagið Ölfus hefur sett fram umhverfisstefnu sem er mjög mikilvægt skref til að tryggja sjálfbæra þróun. Að mínu viti er sveitarfélagið tilbúið til að vinna að næstu skrefum eins og t.d. að koma á sérstakri umhverfisnefnd sem myndi tryggja að horft sé til verndunar umhverfisins við ákvörðunartöku á hverjum tíma. Hún ætti einnig að móta aðgerðaáætlanir til að hrinda umhverfisstefnu sveitarfélagsins í framkvæmd og stuðla að fræðslu og umræðu um umhverfismál í sveitarfélaginu. Ég geri mér grein fyrir að umræða um umhverfismál og loftslagsbreytingar er oft erfið og þung, við nennum ekki að eiga við mál sem kalla á miklar breytingar sem snúa jafnvel beint að okkur sjálfum. Ég ætla samt að hafa trú á okkur og veit að við getum verið hugrökk, breytt nálgun okkar og hugarfari. Við þurfum bara að fara eitt skref í einu og gera okkar besta. Meira er yfirleitt hvort sem er ekki í boði. Harpa Þ. Böðvarsdóttir Skipar 6. sæti á lista framfarasinna og félagshyggjufólks í Ölfussi Kjörskrá fyrir Sveitarfélagið Ölfus vegna sveitarstjórnarkosninganna 26 maí 2018 mun liggja frammi á bæjarskrifstofum Sveitarfélagsins Ölfuss að Hafnarbergi 1 Þorlákshöfn frá og með 14. maí 2018 til kjördags á opnunartíma skrifstofunnar frá kl. 09:00-12:00 og 13:00-16:00 alla virka daga. Þá er bent á upplýsingavef innanrikisráðuneytisins www.kosning.is en þar er að finna hagnýtar upplýsingar um framkvæmd kosninganna. Þar geta kjósendur einnig kannað hvar þeir eru á kjörskrá. Bæjarritari
Bergheimalíf olfus.is Bæjarlíf, brosandi blað – 5. tölublað 2018 5 Laust starf á gámasvæði Ölfuss í Þorlákshöfn Um miðjan apríl var okkar árlega íþrótta sýning og gekk hún mjög vel, börnin voru dugleg að taka þátt í æfingum og sýndu á sér sínar bestu hliðar. Við starfsfólkið erum mjög stolt af börnunum og vonum við að gestir hafi haft jafn gaman að þessu og við. Takk fyrir komuna þið sem sáuð ykkur fært að mæta. Í apríl fengum við góða gesti í heimsókn en þá komu þau Alda og Erlendur frá Félagi eldriborgara og lásu fyrir börnin á Tröllaheimum. Síðustu vikuna í apríl fengum við heimsókn frá tónlistarskólanum en þá kom hann Gestur Áskelsson með þær Guðrúnu Önnu, Hildi Ósk og Sóleyju Dögg sem allar spiluðu á klarínett fyrir börn og starfsfólk. Þetta voru síðustu heimsóknir á þessu skólaári frá Félagi eldriborgara og frá tónlistarskólanum og viljum við þakka öllum sem hafa heimsótt okkur kærlega fyrir komuna. Í byrjun maí bauð foreldrafélagið börnunum á Goðheimum ásamt kennurum deildarinnar út að borða í Hendur í Höfn. Þetta hefur verið hefð í nokkur ár og alltaf jafn skemmtileg stund. Þann 22. maí kl. 15 verður svo formleg útskrift þar sem foreldrum er boðið að koma og vera viðstödd þegar börn þeirra útskrifast úr leikskólanum. Við það tilefni fá börnin afhent útskriftarplagg og leikskólinn færir börnunum gjöf. Slík útskrift hefur ekki verið hjá okkur áður en tíðkast gjarnan á leikskólum og ætlum við að hafa þetta svona alla vega þetta árið og ef vel reyn ist gerum við þetta að nýrri hefð hjá okkur. Að venju verður farið í hesthúsin í maí til að skoða nýfædd lömb, kindur, hesta, og fleiri dýr sem verða á vegi okk ar. Hver deild skipuleggur sína ferð og verða valdir dagar sem vel viðrar til að fara í þessar ferðir. Laugardaginn 26. maí verður vorhátíð foreldrafélagins, auglýst nánar síðar. Með hækkandi sól fara nemendur leikskólans að fara í meira mæli í göngu- og vettvangsferðir og viljum við biðja ökumenn að sýna börnunum þá virðingu að stöðva bíla sína við gangbrautir ef þau þurfa yfir. Það ber mikið á því að fólk vill láta bíla sína renna hægt á meðan börnin fara yfir en við getum ekki kennt litlum börnum að fara yfir götu nema að bílar stöðvi. Það er mikilvægt að kenna börn unum umferðareglunar og þær hættur sem þar eru og biðjum við ykkar að aðstoða okkur við það. Kveðja Elsa aðstoðarleikskólastjóri. Sveitarfélagið Ölfus óskar eftir að ráða umsjónarmann gámasvæðis Ölfuss í Þorlákshöfn. Ábyrgðar- og starfssvið: Umsjónarmaður gámasvæðis hefur umsjón með faglegri starfsemi er fellur undir starfssvið gámasvæðis, sér um að farið sé eftir þeim reglugerðum sem gilda um meðferð og flokkun á þeim efnum sem berast. Umsjónarmaður sinnir verkstjórn með losun á gámasvæði og leiðbeinir íbúum við flokkun úrgangs og spilliefna. Hann sér um að halda svæðinu hreinu og snyrtilegu. Hann sér um skráningu á magntölum og hefur umsjón með ýmsum tölfræðilegum upplýsingum er varða starfsem gámasvæðis. Starfið heyrir undir verkstjóra þjónustumiðstöðvar. Um er að ræða 30 % starf en getur orðið meira í framtíðinni. Hæfniskröfur: • Sjálfstæði í vinnubrögðum og frumkvæði • Stundvísi og almenn reglusemi • Góð mannleg samskipti Vinnutíminn er frá 15:00 til 18:00 mánudaga til fimmtudags og 13:00 til 18:00 á föstudögum. Og annan hvern laugardag frá kl. 12:00–16:00 Kaup og kjör eru samkvæmt kjarasamningum Sambands íslenskra sveitarfélaga og viðkomandi stéttarfélags. Nánari upplýsingar um starfið veitir Davíð Halldórsson, umhverfis stjóri Ölfuss í síma 899-0011 eða david@olfus.is Umsóknum með ferilskrá skal skila á skrifstofu sveitarfélags ins eða senda í tölvupósti á david@olfus.is. Umsóknarfrestur er til 18. maí. Öllum umsóknum verður svarað.
Page 1 and 2: Bæjarlíf Með sandinn í skónum
Page 3: Bæjarlíf, brosandi blað - 5. tö
Page 7 and 8: Bæjarlíf, brosandi blað - 5. tö

Bæjarlíf maí 2018

Create successful ePaper yourself

Delete template?

Save as template?