Swatch Group Gschäftsbricht 2012

38 Swatch Group – Gschäftsbricht 2012 – Uhrä und Schmuck
www.glashuette­original.com
D’Glashütte Original
of Wachstumskors
Trends
S’Gschäftsjohr 2012 hed sech för Glashütte Original vor allem dor en ahaltend starchi Nochfrog i sämtleche Märkt
uuszeichnet. Bsonders ide Hauptmärkt Dütschland, USA, Asie ondem mettlere Oschte hed sech d’Marke öbernes
starchs Wachstum chönne freue.
D’Manufaktur hed uf die witerhee stiigend Nochfroog metere Erhöhig vode Metarbeiterzahl am Produktionsstandort
Glashütte (Sachse) reagiert. Dor d’Integration vode Deutschen Zifferblatt Manufaktur in Pforzheim (Bade­Wörtebärg),
onderem Name Glashütter Uhrenbetrieb GmbH Zifferblattmanufaktur, esch d’Gsamtzahl vode Belegschaft of rond
450 Persone aagwachse. Zudem hed de Zeffereblatthärsteller di manufaktureigeni Produktion of vertikaler Äbeni
verstärkt.
Dank de Inveschtizione vode Swatch Group hed s’neue Geböide am Früeligswäg in Glashütte Ändi Auguscht
plänmässig dor d’Abteilig Chondedienscht chönne bezoge wärde. Die freiwordeni Flächi im Hauptgeböide vode
Manufaktur sowi wiiteri Produktionsberich wärded bes Ändi 2013 bi laufendem Betreb ombouet om di notwändig
Steigerig vode Produktionskapazität z’erreiche.
Au i dem Johr hed Glashütte Original eres wäutwiite Netz a eigete Butike erwiiteret. Die füüf beslang bestehende
Schtandort send om zwöi wiiteri – Schanghäi ond Dresde – ergänzt worde. Die nöi Butik in Dresde esch s’erschte im
Heimmarkt eröffnete Gschäft im nöie, ofd Marke zuegschnettene Disäin. Metere speziell deför konzipierte interaktive
Manufakturwand hed s’Ondernäme e wiitere Meilestei i sinere Fermegschecht gsetzt.