Swatch Group Gschäftsbricht 2012

44 Swatch Group – Gschäftsbricht 2012 – Uhrä und Schmuck
www.tiffanywatches.com
Tiffany & Co.
Au 2012 het Tiffany Watch Co. Ltd. mit Ongaschmont i de
Tourbillon­Boutique und ihrem Händlernetz dr wäutwit
Vertriib vo de Tiffany & Co. Uhre gwährleischtet. Im Lauf
vom Johr het s’Ungernähme zuedäm gmeinsam mit sine
Partner verschideni Veraaschtautige düregfüehrt. D’Produkt
mit ihrem edlä Schtiu und em höche Widererkennigswärt
si i aune Märkt, wo si aabote wärde, höchscht
erfougriich gsi. – Solothurndütsch
www.leonhatot.com
Léon Hatot
Mit dr Inschpiration vom Art Déco, wo uf e Uhrmacher
und Namensgäber Léon Hatot zrügg geit, spräche d’Uhre­
und Schmuckkollektione vo dr Margge Mönsche aa, wo
s’Ussergwöhnleche liebe. D’Kreatione vo Léon Hatot hei
au 2012 ä Chundschaft gfunge, wo sech vom Exklusive
aagschproche füeut. Dr Vertriib übers Netz vo de
Tourbillon­Boutique, wo me wäutwit a de beschtä
Schtandort findet, isch au im letschte Gschäftsjohr erfougriich
witergfüehrt worde. Die üsserscht selektivi Presänz
ungerschtriicht die exklusivi Natur vo dr Margge
und ihrne Prestigeprodukt. – Solothurndütsch