Gemengerot Esch - Esch sur Alzette

Den Här Bernard hat d’Wuert gefrot an
den Här Huss misst säi Mikro ausmaachen.“
Zénon Bernard (KPL): „Merci,
Madame Buergermeeschter. Ech wollt hei
kuerz Stellung huelen zu där Zesummesetzung
vun där Kommissioun, Conseil
de recrutement. Ech sinn der Meenung,
dass et net gutt ass wa vun deene 4
Oppositiounsparteien déi hei dobanne
sinn, eng erakënnt an automatesch dräi
Stéck ausgeschloss sinn an esou engem
Recrutement. Ech sinn der Meenung,
dass et dat, dofir wäert ech och net derfir
stëmmen. Ech wäert mech enthalen, well
ech natierlech net kann derfir stëmmen,
dass dräi Parteien, dräi Fraktiounen déi
hei am Gemengerot sinn, net vertruede
sinn. An duerfir, ech stëmmen net dergéint
well ech kee Misstrauen hu géint
déi Leit déi do elo eragewielt ginn, mä
ech enthale mech duerfir an dat hunn
ech elo dann heimat am Virfeld motivéiert.“
Schäffe Jean Huss (DÉI GRÉNG):
„Nach een deen d’Wuert freet? Den Här
Zwally.“
André Zwally (CSV): „Jo, Merci. Ech
denken, dass mir 2008 déi Diskussioun
hei hate wat u sech den Inhalt vun der
ganzer Deliberatioun war. Deemools
hunn ech gesinn, dass 7 Voix non waren,
1 Abstentioun an 9 dofir gestëmmt hunn.
D’Begrënnung firwat dass een Nee
gestëmmt hat deemools, huet sech
doropper baséiert, dass zënter 2000 de
Conseil de recrutement fonctionnéiert
hat an op Grond vu vereenzelt Iwwerleeungen
dann och gesot ginn ass, mir
mussen dat änneren a mir brauchen en
neie System a mir brauchen domatter
verbonnen dann och eng nei Struktur.
Déi Struktur déi elo hei besteet huet elo
4 Joer laang fonctionnéiert dass eigentlech
am Laf vun deene leschte 4 Joer
nach de Beweis erbruecht ginn ass, dass
et ka fonctionnéieren an d’Argumenter
och dofir sinn, dass mer dat heite kënnen
esou stëmmen.
A wa virdru gesot ginn ass, dass d’Oppositioun
da kee géif kréien, dat stëmmt
esou net.
(Ënnerbriechung)
Nee, nee, ech schwätzen elo, den zoustännege
Schäffen hat déi Remarque
gemaach. Och deemools hu mer dergéint
gestëmmt, mä et ass awer esou
gaangen, dass d’Membre vun der Oppositioun
mat dra komm sinn. D’Reglement
ass awer applizéiert ginn. An deem Sënn
9. Composition du conseil de recrutement
wäerte mir dann och dat heite matstëmmen.“
Buergermeeschter Lydia Mutsch (LSAP):
„Merci, Här Zwally. Et hat elo just ee sech
gewisen. Den Här Codello.“
Daniel Codello (LSAP): „Merci,
Madame Buergermeeschter. Ech wëll op
d’Genèse agoen, wéi den Här Zwally dat
och elo scho gemaach huet. Et ass ganz
wichteg dee Conseil de recrutement, wéi
deen entstanen ass, do war ee wichtege
Bestanddeel vun der Majoritéit fir d’Oppositioun
mat an d’Boot ze huelen. An
d’Oppositioun huet zwee Vertrieder dran.
Déi mussen net aus enger Fraktioun kommen.
Mä do mussen awer d’Oppositiounsfraktiounen
ënnert sech sech eens
ginn. Dir kënnt awer elo net der Majoritéit
hei opposéiere ween Dir nennt.
Zénon Bernard (KPL): „Da sinn der
nach zwou net dran.“
Daniel Codello (LSAP): „Dat muss
d’Oppositiounsfraktiounen, dat ass Äre
Rôle. Dir kënnt Iech jo interfraktionell do
zesummesetzen an der Majoritéit....
(Zwëscheruff vum Här Bernard)
Ech mengen, Här Bernard, et ass elo u
mir, an da kënnt Dir Iech eens gi ween
Dir doranner nennt. Mä et ass awer wichteg
vun der Majoritéit hei ze weisen, datt
mer opmaachen. An ech mengen, Här
Zwally, wat den Här Huss do gesot huet,
dat war e bësse méi humorvoll ze soen,
gitt Iech eens. Et war hei ni de Wëllen
d’Oppositioun erauszehalen. Au contraire,
mir sinn heihinner komm a mir
hunn hei dat Reglement hei gestëmmt an
dee Conseil de recrutement dee jo awer
wichteg Avisen zu de personalpolitesche
Froen hei fir de Conseil ausschafft, hu
mer ëmmer gesot, d’Oppositioun ass mat
am Boot. Wat intern Organisatioun vun
der Kommissioun ugeet, Här Bernard,
ech hu genuch ze di fir d’Majoritéit hei
am Schëff ze halen, kuckt datt Dir Iech
do eens gitt, kuckt dass Dir Iech do eens
gitt. Ech hunn, ...
(Ënnerbriechung)
Oh, dat geet awer vill besser wéi bei Iech,
gleeft dat. Ech hu just eng Fro, mir missten
och nach hei e klenge Passage dobäi
setzen, well do steet: le président de la
commission consultative du personnel
communal. An do steet, dass déi zwee
Membere musse Membere vum Conseil
sinn. Am Moment ass de President vun
där Kommissioun en non élu. Duerfir
Escher Gemengerot vum Freideg 10. Februar 2012
21
géing ech proposéieren, dass do bei
deem Tiret dohinner stoe kënnt: le président
de la commission consultative du
personnel communal ou son délégué.
Well soss hu mer nämlech och do eng
Virschrëft, dass de President vun där
Kommissioun d’office muss en élu sinn.
An dat kann net ëmmer aus deenen eng
oder aner Ursaachen de Fall sinn. Et ass
am Moment net esou, duerfir géing ech
do och nach dobäi schreiwen, datt de
President vun der Personalkommissioun
duerch en Delegéierten, deen dann en
élu muss sinn, kann ersat ginn. Fir de
Rescht, bon, ass et net un eis hei eens ze
ginn.“
Buergermeeschter Lydia Mutsch (LSAP):
„Merci, Här Codello. Dann huet den Här
Baum d’Wuert.“
Marc Baum (DÉI LÉNK): „Jo, Merci,
Madame Buergermeeschter. Ech mengen,
wat mer an der Diskussioun net matenee
verwiesselen däerfen, e Conseil de recrutement
ass keng politesch Instanz wou
Parteipolitik gemaach gëtt. Ech mengen
et ass wichteg ze soen, datt d’Idee derhannert
déi ass, fir d’Oppositioun mat
eranzehuele fir justement e bestëmmtene
Favoritismus, deen et fréier och op der
Escher Gemeng ginn ass, respektiv haut
och nach op anere Gemengen, fir deen
ze verhënneren. Ech verstinn awer och
dem Här Bernard säi Bedenken an et ass
eng Iwwerleeung wäert ob een net soll
op e Wee goen, datt ee seet, ma d’Oppositioun
huet zwee Vertrieder an dozou
ginn et nach 2 Suppléanten oder e Roulement
dra bréngen. Déi Ouverture
domat hunn ech kee Problem, mä ech
mengen datt et net richteg fir ze soen,
d’office ass all Oppositiounspartei dran,
well soss géif et justement bedeiten, datt
et eng politesch Kommissioun ass an datt
d’Personalpolitik erëm nei parteipolitesch
politiséiert gëtt. An esou soll et net sinn.“
(Allgemeng Diskussioun)
Buergermeeschter Lydia Mutsch (LSAP):
„Gutt, dann äntwert den Här Huss doropper.“
Schäffe Jean Huss (DÉI GRÉNG): „Ma
jo, ech wéilt da vläicht soen, datt den Här
Baum a senger Weisheet genau dat gesot
huet wat ech hei och wollt soen, wat ech
Iech hei wollt äntweren, datt et nämlech
effektiv drëm geet d’Oppositioun mat
agebonnen ze hunn. Den Här Codello
hat dat jo och scho gesot, fir deem Virworf
do entgéint ze kommen, datt kéint
Favoritismus iergendwéi sinn. Dat ass net
de Fall. Bei all deene Conseils de recrute-