o_195onl4mse8q1rfc16lr12801c8da.pdf

Ëlwen huet am zweeten Deel vum 19ten
Jorhonnert en Opschwong erlieft: E neit
Eisebunnsnetz ass entstan an Ëlwen
gouf zu engem wichtegen Punkt op
de Strecken Lëtzebuerg-Ëlwen-Gouvy-
Léck an Ëlwen-St.Vith-Aachen. Vill Leit
sinn deemools op Ëlwen geplënnert
an hunn do Aarbecht fonnt.
Genau zu där Zäit ass och d’Ëlwenter
Musek entstanen: 125 Joer ass et
hier, dass eng Handvoll Aarbechter
a Beamten vun der Eisebunn, der
Post an der Zollverwaltung sech
zesummegedoen hunn fir sech op dëst
musikalescht Abenteuer anzeloossen.
Vun do un ass d’Entwécklung vun der
Musek esou schnell gaangen wéi en
Zuch am Eiltempo: D’Musek vun ronn
30 Mann ass zu engem gutt ausgebilten
Orchester opgebléit. An deene leschten
20 Joer huet d’Ëlwenter Musik
mat héichkarätegen Gala-Optrëtter
geglänzt, de Veräin ass bis wäit iwwert
d’Grenzen vun der Regioun bekannt.
Maggy NAGEL - Kulturministësch
Ech freeën mech besonnesch, dat
dëse Gebuertsdag eng Geleeënheet
ass, d’Leit dorop opmierksam ze
maachen, wéi wichteg en Orchester
fir d’lokal Kultur ass, mais och, dat en
e festen Bestanddeel vun der lokaler
Duerfgeschicht ass, deen een do och
net méi ewechdenken kann.
D’Ëlwenter Musek favoriséiert d’Zesummeliewen
vu Jonk an Al, se
musizéieren niewenteneen a mateneen.
D’Beméiungen, souwuel di eng als
och di aner mat an d’kulturellt Liewen
anzebannen, ass eng eminent wichteg
Initiativ, déi ech gäere begréissen.
Ech felicitéieren der Ëlwenter Musek
zu hirem 125. Gebuertsdag a soen de
Museker villmools Merci dat si e flotten
Programm op d’Been gestallt hunn an
domadder dëst Joer allen Awunner vun
Ëlwen an doriwwer eraus muench flott
Stonnen bereeden.
Ech wënschen der Ëlwenter
Musek, dat hir musikalesch Rees
nach laang net eriwwer ass a
weiderhi vill Spaass a Freed mat
sech bréngt!
9