Datum: Sonntag, 26. April 2009 - Metzerlen-Mariastein

Kreti, Pleti gseht me über dr roti Teppich go.
S’söt immer e so si, S’söt immer e so si.
Das Chrüz sammt Personal stoht allewiel uf Hochglanz do.
Stramm stöhn sie, stramm stöhn alli do.
Mit em Bäse macht der Martin dr Anita jetzt dr Hof.
S’ Joohrhundertfescht söt’s wärde, grad in eusem chline Dorf.
Regierigsrööt und schrägi Gescht, -- jä mir si au derby.
Sin immer und überall derby.
Dr Christian vom Hingerdorf, -- dä weiss wie’s Läbe lauft.
S’ isch immer e so gsi, s’wird immer e so si.
Häät’s Gmeiniland und s Land vom Ivo am liebschte alles kauft
Will halt dr Gröscht, will halt dr Gröschti sy.
Jetzt pflanzt er überall die allerschönschte Blume-Felder.
Er jaagd mit edle Herrä -- in dä grosse Waggis-Wälder.
Dr Kirsch vom Schwarze-Bueb verkauft dr Réne no elay.
S’ wird nümme, S’ wird nümme lang so sy.
Denn d’Fläschli, -- die Fläschli sin so chly.
Dy Auto dörfsch bim Röbi uf dr Poscht nüm anestelle.
Das isch no nie so gsi, das isch no nie so gsi.
Und d’ Fasnacht hei die Deppe uf de Samschtig schiebe welle.
Do mache mir, do mache mir nit mit.
Dr Emmenegger schlicht sich als Gemein-Hand-Werker i.
S’ Dorfläbe muess bald ohni ihre Chef dr Andi si.
Im Mais do haage d’ Buure sälber -- fremdi Wildsäu i.
S’ isch nümme, wie’s albe no isch gsi.
Neuschtens duet dr Dreier Robi am Dorf-Friede rybe.
Was dänggt er au derby, er dänngt nit viel derby.
Er will, so sait er, ohni Grund nüm by dä Schwarze blybe.
Er will nüm by dä Schwarze s’Schwarz-Schof sy.
Er got, jo mir verstehn das nit und bringe’s nit uff d’Reihe,
zu där Partei, wo Wärbig macht mit
Hüehner, Schof und Chräie.
Au wenn mir hüte Gwääger syn, -- mir
ghöre nit derzue,
mir gwääge und ghöre nit derzue.
Fernseh, Radio, Medie, -- wär Bei het,
fahrt in Stei.
S’ isch früjer e so gsi, s’ wird immer e
so si.
Doch d’Wahl vom Abt die cha's nit si, --
die isch doch erscht im Mai.
Was chas denn anders, chas denn
anders si.
D’Lüt wänn viel mehr das Plätzli gseh
mit Glattis näbem Egge,
Wo dr Basler saudumm do het, -- als
würd er grad veregge.
Mir sälber wänn au schnell ans Gäld, -- drum fliege mir in Stei.
Uns isch das Schissebibi einerlei, bye bye bye.
19