Datum: Sonntag, 26. April 2009 - Metzerlen-Mariastein

Komitee-Schnitzelbängg 2009
Das Fasnachtsfüür git doch jedes Johr Krach
Entweder füüre mir mit Palette oder grüenem Holz usem Bach
Mir hän e Idee und die isch dr Hit
Dass es jetzt an dr Hauptüebig grad no s’Fasnachtsfüür git
Z’ Mätzerle wird’s gli keini Hochzyte mehr gä
Wenn sich die Junge gegesitig d’Freud am Hürote düen näh
Die Polteröbe sin e gruus, me muess se über sich lo ergo
Erna- hättsch di Pascal doch lieber z’Röschenz glo!!
Wo mir das gseh hän, hän mir müesse lache
Dr Erb Martin macht efang komischi Sache
Er zieht e Hag ums Huus, dä finde mir so doof
Dä isch nämlich für d’Sereina und nid für d’Schof
Dr Gmeinrot het e Artikel ins Dorfblatt gschriebe
Mir finde das realistisch, eigentlich nid übertriebe
Mir Komiteefraue hän dänkt, mir ziehn das Gäld grad i
Doch uf dr Gmeini stellt sich use, dass es e Aprilscherz isch gsi
Die Dorfblatttitelsitte sin immer schön und farbefroh
Doch dr letschti Dezember het eus gar nid gfalle eso
Statt enere Foti vo me komische Wiehnachtsmaa
Legge mir s’nöchscht Johr eifach im Silvio e Chappe a
Jedes Johr goht är bi Wind und Wätter
Mängisch lachend, mängisch mit eme Donnerwätter
Vo Huus zu Huus, er isch e Supermaa
Ohni euse Ewald hätt niemer e Plagette a!
20