90 minutas

26. September 2015 63
90 minutas
Impressum
Da Maurus Candrian
La famiglia crescha ad in crescher.
Suenter che Fabrizio ed Adi
han gia debutau il 2014, ei Marco
Cavegn uonn il rookie el team dallas
90 minutas. Cun sia moda e
maniera cunscienziusa ei el in
dils megliers transfers dils davos
onns. Insumma ... in goalie ha
aunc muncau a nus. Il 2016 vegn
quel numnadamein duvraus pil giug
da nus, las 90 minutas, encunter
in’equipa da prominents. Pertgei
lu festivein nus il grond giubileum:
10 onns 90 minutas.
Mattias, il chef-events dall’USSI,
ei gia ellas preparativas per quei
eveniment che vegn franc a carmalar
dapli glieud ch’il lagher da
preparaziun d’ina equipa mediocra
dall’emprema Bundesliga a Crap
Gries. Pil mument han ils suandonts
prominents gia cunfirmau lur
participaziun a quei giug historic
pil Grischun e per l’entira
Europa centrala: Carmen Fenk, Vitus
Huonder, Carl Hirschmann,
Zlatko Trpkovski, Fürst Albert
von Monaco, Dominique Rinderknecht,
Gallus Huonder e Nadine
Vinzens.
Las 90 minutas vegnan pli probabel
a dar in modificau 3-5-2 perquei
ch’ils prominents dattan matei
cun Vitus Huonder sco falida 9
e cun Carmen Fenk sco in da 6.
90 minutas ein
Flurin Bundi, Andri Bundi, Stefan
Jörg, Fabrizio Bonolini, Adrian
Welter, Guido Candrian, Marco Cavegn,
Gian Marco Menzli, Jan
Berni, Marco Schmid e Maurus Candrian.
Cun libero e spielmacher vegnan las 90 minutas mattei a dar in offensiv 3-2-3-2 encunter
l’equipa da prominents.
Fotografia sil frontispezi da Gian
Marco Menzli: Johan Djouru ha regalau
ses calzers cun grondezia 51
ad ils giuvens ballapeiists.
Fotografias: (dw) Dusan Weigel
Brevs d’amur cun cuntegns miezlegals
lunsch naven dalla morala
sexuala christiana, brevs nauschas
plein odi e scuidonza ed invits
per tscheinas cun in ni tut
ils commembers dallas 90 minutas
per plascher a:
90minutas@gmail.com
Pil giug da giubileum dallas 90 minutas vegn il 2016 l’entira prominenza da cervelats
a serimnar a Crap Gries – sin il plaz e speras.