dräum | ausgabe 3 | 09/2015

Proletensau du scheiß proletensau du g’schissene proletensau schaust eini in dei hüsn frisst dei bier
und b’stöst no a wiaschtl du wiaschtl! Oida i was ned wos rapid sei soi und lila is ma a voi wuascht und
bitte putz di du grindige proletensau i hoit des ois ned aus wos du in gonzn dog dazöhst du grindige
proletensau bitte geh ummi zum haashaus und schmeiß di owi du grauslige proletensau. An tschik
kon i da kan gebm weil i kan mea hob und übahaupt scho ned für di du deppate proletensau und jetzt
schleich di bitte und los mi mit deim asylantenhoss und deim kopfdiachischeiß und deina hocknstadn
wei da de g’schissenen auslända de hockn fladan i mahn i wüad a kan eistön der nur am blech hängt
und de gonze zeit am lautest'n schreit und am rechtest'n hod. Ma, du g’schissene proletensau nimm
hea amoi a biachi stott am bia und du wiast segn dass dei lebm doch bis heit im groß'n und gonz'n
fürn oasch g'wesn is du scheiß proletensau du g’schissene oide vaschissene proletensau du duast ma
weh im aug und im kopf und im bauch und im oasch wei wenn i so was siag wie di donn wü i speibm
und schrein und scheißn auf amoi du grindige proletensau mit deina grindign oidn, oida, genau so
hocknstad wie du und fost no schiacha mit de schiachn zähnt und schiachn finganögi bist du deppat
und de wompm von de hüsn und de hoa de göbm hoa na oida bist du deppat des is a schiache
proletensau wie du du schiache proletensau i hoit eich ned aus mit eichere glitzerndn luis vuitton
leiwal aus lignano und da slowakei wei dafüa sands donn guad de jugos und kanakn und de tüakn so
long’s am im all-you-can-eat-scheiß die marken billig noch haun beim drähundat-euro-all-inclusivecluburlaub-scheiß
in am club mit kalaschnikov-security mitten im kriegsgebiet wo ma si sche in
gonzn dog de cockdäls von da poolba chek’n ko wei nua zua is ualuab a echta ualaub und donn in
da fettn gscheid zum fettn büffet und de fliagn isst ma glei mid wei so sands hoid de kamötreiba
de grindign. Ge, du g’schissene proletensau, host brav wos zum dazöhn daham am wiaschtlstond
dass’d bombm gheat und gscheide flaktüam gsegn host beim transfer vom airport und in da wüst’n
sands glegn de vareckt'n viecha und vareck’tn kinda und vareckt’n miatta – übahaupt ka kultur die
islamisten do drübm – jo dahoam is’ hoit imma no am schenstn bei da hüsn und de wiaschtl und
im stadion und überhaupt. Wenn do ned de gonzn kanakn de hockn fladan und de Oabatslose
daschleichn und de Weiba budan wüadn, de wos si flüchtling nenan und donn in adidas und mit
smartphone umadum renan und so doan ois hädn’s nix de gfrasta, bettln do um asyl und wia hom
söwa nix, ge, du grindige proletensau, mit jeda hüsn wiad dei g’schrei no lauda und dei hoss no
gressa und dei zuan no eaga und wenn die budl donn zua speat und du ka göd mea host wei de
gonzn asylanten jo ois stöhn und füa de echtn östarreicha nix mea ürbiglossen rennst umadum
duach de stod und suachst in eastbestn kanak und haustn nieda, du g’schissene proletensau, du
möchtegern-buaschnschofta ohne pflichtshui-obschluss oda onstond, du mittelpunkt deines braun
getünchten universums, gehst hoam, schlofst dein rausch aus, legst dei hond auf eis und pudast
donn dei oide während’s söwa no in rausch ausschloft. Du g’schissene proletensau, du duast ma
load, wei im endeffekt und groß’n und gonz’n is des ois jo wiakli ned dei schuid.
grindige
proletensau