Aufrufe
vor 5 Jahren

Editorial - Quickborn. Vereinigung für niederdeutsche Sprache und ...

Editorial - Quickborn. Vereinigung für niederdeutsche Sprache und ...

Editorial - Quickborn. Vereinigung für niederdeutsche Sprache und

Leve Maten, leve Frünnen, in düt Heft schall de Literatur mal wedder mehr to ehr Recht kamen. In de Schrievwarkstee Geschichten schrieven vun’n SHHB – siet Johren al in Kappeln ünner dat Leit vun Willy Diercks un Reinhard Goltz – sünd annerlest en Deel interessante Vertell’n entstahn ünner de Vörgav „aus Dialogen Geschichten entwickeln“. Groot de Ünnerscheed vun de enkelten Sichtwiesen, de de Schrieverslüüd dor toweegbröcht hebbt. An en poor Bispele vun solke meist achtersinnige Geschichten schull’n de Lesers ehr Freid hebben. Een vun uns Leserbreef-Schrievers meent, wi schull’n in uns plattdüütsch Quickborn doch nich so veel hochdüütsche Texten schrieven. So heel un deel unrecht hett he nich, dücht mi, man Wetenschop-Texten to’n Bispeel sünd nich jümmer goot op plattdüütsch to formuleer’n, is so. Kann’n studeern an Liselotte Davis ehr’n Opsatz: Se grippt in ehr’n Text över den Illustrator Pietsch un de eerst illustreerte Utgaav vun de „Stromtid“ deep in de persönliche Historie rin; un dat op hoochdüütsch. Un dat’s goot so. Bolko Bullerdiek hett bericht’t vun Gerd Spiekermann, de in’t Rolf-Liebermann-Studio den Fritz-Reuter-Pries kregen hett, un Dirk Römmer weer op Beseuk nich blots bi’n Reuterdag in „Niegenstrelitz“, ok vun de Klaus-Groth-Tagung in Heid bericht’t he. Wat in de tokamen Saison bi Ohnsorgs los is, hett uns Christa Heise-Batt tosamenstellt. Un as jümmer sünd en Barg Rezensionen vun Böker un Theaterstücken dorbi, un de Rundschau mit düt un dat fehlt ok nich; un ok fehlen nich en poor kritische Leserbreve. Ik hoop, de Lesers hebbt Spaaß an düsse Utgaav, ok wenn nich all’ns platt is, wat Platt ween müss. Corl Groth Editorial 1

Editorial - Quickborn. Vereinigung für niederdeutsche Sprache und ...
Dat Letzt - Quickborn. Vereinigung für niederdeutsche Sprache und ...
Wöör vörweg - Quickborn. Vereinigung für niederdeutsche Sprache ...
Leve Lesers - Quickborn. Vereinigung für niederdeutsche Sprache ...
Dat Letzt - Quickborn. Vereinigung für niederdeutsche Sprache und ...
Dat Letzt - Quickborn. Vereinigung für niederdeutsche Sprache und ...
Satzung - Quickborn. Vereinigung für niederdeutsche Sprache und ...
Lebe Moten un Frünnen - Quickborn. Vereinigung für ...
Inhaltsverzeichnis — 62. Jahrgang, 1972 - Quickborn. Vereinigung ...
Inhaltsverzeichnis — 69. Jahrgang 1979 - Quickborn. Vereinigung ...