Editorial - Quickborn. Vereinigung für niederdeutsche Sprache und ...

GERDES – „habe als fröhliche Feldlerche aus der Wesermarsch auf meine eigene Weise gesungen“
As de Zeitschrift „Niedersachsen“ 1932 an een Verlag in Hannover
verköfft weern schull, wull Alma Rogge nich mitgahn. Man mutt weeten,
war man henhört, hett se sik woll dacht. So hett se sik denn as
Schrieversfro sülvstännig maakt un is in ehre Heimat bleeven un bi de
Minschen, de ehr an ’t Hart wussen weern.
Mennig plattdüütsche, aver ok hochdüütsche Theaderstücke, Geschichten
un Romane hett Alma Rogge noch schreeven, mit de se wiet
över de plattdüütsche Spraakgrenz herut bekannt worn is. Uptellen
kann ik hier noch ehr bekanntest Lustspääl „Twee Kisten Rum“, dat
tüschen 1939 un 1984 nich weniger as veer mal in Ollnborg to Upföhrung
kaamen is oder ehrn Roman „Hochzeit ohne Bräutigam“. För ehr
Wark hett se noch mennig Pries un Utteeknungen kregen.
An ehrn 70. Geburtsdag trekkt Alma Rogge sülvst so ’n beten Bilanz
över ehr Lääwen. Se seggt:
„... ich habe versucht, den Auftrag, der mir durch meine Begabung zuteil
wurde, redlich und nach bestem Vermögen zu erfüllen. Wenn mir nicht
alles so gelungen ist, wie ich es wohl gewollt hätte: nun, nicht jeder
kann zu den Großen zählen. So bin auch ich nicht zur Nachtigall geboren,
sondern habe als fröhliche Feldlerche aus der Wesermarch auf
meine eigene Weise gesungen, – doch auch zwischen Himmel und
Erde!“
Stürven is Alma Rogge 1969 in Bremen-Rönnebeck, war se dartig Jahr
in ehr Huus an de Weser lääwt hett; bisett worn aver is se in ehre Heimat,
up de Karkhoff van Rodenkarken: so wull se dat; un so klung dat
över fiefuntwintig Jahr vörher in ehr Gedicht „Land aus dem ich geboren
bin“ ok al an, war dat heet:
Land aus dem ich geworden bin,
schwarz ist dein Acker und Brot,
dein ist mein Leben, dein mein Tod,
nimmst in dein Wesen mich hin.
28
Einmal komm ich in dir zur Ruh,
bette in deine Erde mich ein,
brauche nicht ich mehr zu sein
bin wieder du.
An 6. April 2008 weer in ’t Ollborgisch Staatstheader de Premiere van
Alma Rogges Schauspääl „In de Möhl“. De Nordwest-Zeitung schrifft:
„Mit der Inszenierung von Michael Uhl feierte die Oldenburger August-
Hinrichs-Bühne am Sonntag eine gelungene Premiere. Das Publikum