Aufrufe
vor 5 Jahren

Editorial - Quickborn. Vereinigung für niederdeutsche Sprache und ...

Editorial - Quickborn. Vereinigung für niederdeutsche Sprache und ...

DIRK RÖMMER Mit Mit Mit

DIRK RÖMMER Mit Mit Mit Reutern Reutern in in de de ole ole ole Residenz Residenz Mit de Reuterdoog is dat so: büst du een Johr mol nich mit bi, kriggst du so een Lengen in’t Liev, wat du gor nich anners kannst: du muttst hen! So güng mi dat nu ok, as de Fritz-Reuter-Sellschop vun’n 18.-20. April no Niegenstrelitz inloden dä. ‚Niegenstrelitz – Residenz to Tieden vun Fritz Reuter‘ harrn se sik as Thema wählt. Un mehr as 200 Lüüd harrn sik op’n Padd mookt. Dat is jümmer gewaltig, wat dor los is. Se harrn mi, wegen ik mien Auto mit harr, een Bett in Prälank besorgt. Dat liggt bummelig 8 Kilometer vun de lütt Stadt weg. Man dor wohnt Hermann Kant. Un in den sien Noberschop kannst di geruhig op’t Ohr leggen. Schood, wat dat Freuhjohr noch nich anfungen harr: all de Doog man 5°! Harr ik mi rein vergrepen un den dünnen Anorak inpackt. Weur koold! Freedag güng dat mit de Johrsversammeln in de wunnerscheune Orangerie los. Weurn keen Lüüd to wählen ober de Vörsitter vertell, wat neegst Johr in Lübeck wesen schall, wenn de Reuter-Lüüd vun’n 17.- 19.4. in de Hansestadt tohoop komen ward. Un wat dat to Fritzing sienen 200. Geburtsdag 2010 dree Beuker mit sien Brefen geben schall, de Dr. Arnold Hückstädt rutgifft un för de woll ok noog Geld tohoopschroopt warrn kann. Wenn se all mitspeelt! För dat Johr 2008 is de kikut Nr. 29, een Bibliographie öber Reuter- Sekundärliteratur de Johrsgoov. Un so keumen wi wieder ok mit den Kassenbericht un de Regularien good öber de Tied. Een poor vun de Moten müssen noch fix wat vun sik sülbens vertellen. Ober dat gifft’t in jeedeenen Vereen! Obends wöör wedder inlood in de Orangerie. Dor schull dat Theoter Niegenbrannenborg-Niegenstrelitz mit den Theoterchor een Strelitzien-Programm geben. Döösbaddels as ik goht dinn, winn se Theoter heurt, je eerstmol no’t Theoter un markt dinn, wat dat dor gor nich is. Ober ik heff dat funnen un mi den Obend good amüseert. Fein sungen hebbt se, vertellt vun de Geschichte vun de Bloom, de nu de Bloom vun Niegenstrelitz worrn is. Eegens hett de ool Captein Cook ehr in Südofriko funnen un mitsleept no Europa. Un nu gifft dat ehr allerwogens. Ik harr in Australien ok so’n ‚bird of paradise‘-Blomen in mienen 34

Mit Reutern in de ole Residenz – RÖMMER Goorn. Is je smuck, de dore Strelitzie. Also, de Obend weur fein. Un de neegste Dag ok. Dor keum ok de Kultusminister doch warrafdig mit Geld in’t Gepäck un hett recht wat verdeelt. Un hett de Sellschop löövt. To Recht! Un wi drepen uns in de Aula vun dat Carolinum, eenen wunnerhübschen Sool boben in de School. Dor also seten wi un heuren – so as dat bi de vun Reuter begäng is – eenen Vördrag no den annern. De eersten beiden Referenten Dr. Helge Bei der Wieden ut Bückeburg un Prof. Dr. Gerhard Schmidt-Henkel weurn krank worrn. Dat hebbt dinn Krischan Bunners un Hartwig Suhrbier vörleest. Dat güng üm ‚Was war Mecklenburg-Strelitz? Die Geschichte eines kleinen Landes‘ un ‚Fritz Reuters Spätwerk Dörchläuchting: Neustrelitzer und Neubrandenburger Geschichten. – Was macht Reuters Text zu einem literarischen Kunstwerk?‘ No de eerst Paus hett Werner Völschow ut ‚Dörchläuchting‘ vördrogen un dat weur een Gedicht, – ok winn’t gor keen is! Vör de Middagspaus wöör öber ‚Jüdische Figuren im Werk Fritz Reuters‘ vun Mathias Kobi – wat een Student is – sproken, Dr. Axel Lubinski ut Cammin reed öber ‚Die Amerika-Auswanderung aus Mecklenburg- Strelitz während des 19. Jahrhunderts‘. Achter dissen Vördrag güng dat in de Mensa, wo se wat mit un ohn Fleesch för uns prootstellt harrn. Un wieder mit Hartwig Suhrbier, de wat öber ‚Daniel Sanders und das Niederdeutsche‘ un Cornelia Nenz, de wat öber ‚Mit Reuter zum Erfolg. Neustrelitzer Reuter-Interpreten‘ vördrägen dän. Leider geev dat nie nich een Diskussion öber de lütten Vördrääg. Harr sik lohnt. Man so’n Dag is lang! Dor keumen noch Kinner, de scheef un seut singen dän, Gedichten opseggt un uns alltohoop veel Spoß mookt hebbt. Dinn keumen noch twee Vördrääg vun Prof. Dr. Jürgen Hein un Matthias Wolf öber Adolf Glaßbrenner un eenen Theoterschandol, wo Reuter ingrepen harr. All de Vördrääg ward wi je in dat Book finnen, wat uns neegst Johr in de Hand drückt ward. So mutt ik dor nu nich lang un breed öber hebben. Vun den scheunen Aula-Sool güng dat dinn röber no dat Park-Hotel, wo de meersten Macker ehr Bett harrn. Un dor schull dat een Buffet geben un vörher wull Torsten Harder öber een Musical vertellen, wat he öber ‚Dörchläuchting‘ schrifft. Man, he harr noch nich recht wat schreben un ok noch nich recht wat komponeert. Un sien Cello weur 35

Editorial - Quickborn. Vereinigung für niederdeutsche Sprache und ...
Dat Letzt - Quickborn. Vereinigung für niederdeutsche Sprache und ...
Wöör vörweg - Quickborn. Vereinigung für niederdeutsche Sprache ...
Leve Lesers - Quickborn. Vereinigung für niederdeutsche Sprache ...
Dat Letzt - Quickborn. Vereinigung für niederdeutsche Sprache und ...
Dat Letzt - Quickborn. Vereinigung für niederdeutsche Sprache und ...
Satzung - Quickborn. Vereinigung für niederdeutsche Sprache und ...
Lebe Moten un Frünnen - Quickborn. Vereinigung für ...
Inhaltsverzeichnis — 69. Jahrgang 1979 - Quickborn. Vereinigung ...
Inhaltsverzeichnis — 62. Jahrgang, 1972 - Quickborn. Vereinigung ...