OSHKAABEWIS NATIVE JOURNAL - Bemidji State University
OSHKAABEWIS NATIVE JOURNAL - Bemidji State University
OSHKAABEWIS NATIVE JOURNAL - Bemidji State University
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
16 BEMIDJI STATE UNIVERSITY<br />
GAA-DANAPININIDING<br />
GAA-TIBAAJIMOD VERNON WHITEFEATHER *<br />
GAA-ANISHINAABEWISIDOOD DAVID TREUER **<br />
[1] Gaye niin sa gonaa bangii inga-dibaajim owe minik<br />
gekendamaan omaa gaa-nakadamawid aya’aa gaa-niiged<br />
nibabaayiban. Zhaawanigaabaw gii-izhinikaazo. Aanish naa gaye<br />
niin ingii-gagiibaadiz gaye niin gii-gwiiwizensiwiyaan. Ingiizhazhiibitam.<br />
Gaawiin apane go weweni ingii-pizindawaasii gaaizhi-gagiikimid.<br />
[2] Miish o’ow bezhig aya’aa gaa-wiindamawid o’ow gewiindamageyaan<br />
omaa. Gii-dagoshinowaad ongow bwaanag, omaa<br />
gii-mawine’igewaad, gii-mawina’aawaad iniwen anishinaaben.<br />
Aanish naa ayi’ii iidog aabiding imaa giinakweshkodaadiwaagwen<br />
omaa ziibiing, Gaa-danapininidiwining<br />
ezhinikaademagak.<br />
[3] Mii dash iidog gaa-izhi-miigaadiwaagwen gii-mawine’idiwaad<br />
gii-mamiskwiiwanaakanadiwaagwen iidog. Mii dash iidog gaaapiichi-mamiskwiiwaapinidiwaagwen<br />
o’ow gii-tazhiikodaadiwaad<br />
imaa ziibiinsing.<br />
*<br />
V ERNON W HITEFEATHER A WIDELY RESPECTED ELDER AND<br />
O JIBWE LANGUAGE TEACHER FROM P ONEMAH ON THE R ED L AKE<br />
R ESERVATION.<br />
**<br />
D AVID T REUER IS P ROFESSOR OF E NGLISH AT THE U NIVERSITY<br />
OF S OUTHERN C ALIFORNIA.<br />
O SHKAABEWIS N ATIVE J OURNAL V OL. 8 / NO. 1 S PRING 2011