OSHKAABEWIS NATIVE JOURNAL - Bemidji State University
OSHKAABEWIS NATIVE JOURNAL - Bemidji State University
OSHKAABEWIS NATIVE JOURNAL - Bemidji State University
Create successful ePaper yourself
Turn your PDF publications into a flip-book with our unique Google optimized e-Paper software.
26 BEMIDJI STATE UNIVERSITY<br />
[5] Gegapii dash gii-ikido: “Inga-awi-miigaanaa.” Mii dash<br />
ginoozhe gaa-izhi-giiwitaakwashiwed. Gaye wiin idash<br />
zhaangweshi gii-gakiiwebatoo, mii dash miigaadiwaad ginoozhe<br />
ogaa gaye. Zhaangweshi dash oganawaabamaan miigaadinid. Apii<br />
idash wayaabamaad nisidinid mii iw ezhi nagamod:<br />
[6] “Booni’idiyok, da-miskwiiwaabinaanidim!”<br />
[7] Apii dash gaa-nisidinid, mii iw gii-ayaagwaadaabaanaad,<br />
wiimbakamigaang ogii-paabiindiganaan. Mii dash imaa gaa-indaad<br />
ginwenzh.<br />
[8] Apii dash eni-biboonining, ningoding ogii-nagishkawaan<br />
waabizheshiwan, mii dash ekidowaad maamawi ji-daawaad<br />
bibooninig. Mii dash geget gii-ozhitoowaad endaawaad; mii dash<br />
imaa gaa-onji-maamaajaawaad nandawenjigewaad. Waabizheshi<br />
wiin, waabooz onooji’aan, binewan, ajidamoon,<br />
waawaabiganoojiinyan. Wiin dash zhaangweshi, giigooyan eta<br />
onooji’aan. Aanawi dash ashandiwag, bangii waabizheshi, gaa<br />
wiikaa odashamaasiin zhaangweshiwan waabooz oshtigwaan.<br />
Zhaangweshi dash mindawe. Gaye wiin dash zhaangweshi gaawiin<br />
odashamaasiin waabizheshiwan ozhigwanan. Gaye wiin dash<br />
waabizheshi mindawe.<br />
[9] Baanimaa dash gichi-giiwedininig, mii iw gabaatood<br />
oshtigwaanan, gaawiin dash odashamaasiin zhaangweshiwan<br />
ozhigwanan. Ningoding idash gichi-giiwedininig, mii dash<br />
zaaga’ang zhaangweshi. “Eya, gichi-noodin!” ikido.<br />
[10] “Aaniindi wending?” ikido waabizheshi.<br />
[11] “Bandaab oshtigwaaning isa ondaanimad.”<br />
O SHKAABEWIS N ATIVE J OURNAL V OL. 8 / NO. 1 S PRING 2011