OSHKAABEWIS NATIVE JOURNAL - Bemidji State University
OSHKAABEWIS NATIVE JOURNAL - Bemidji State University
OSHKAABEWIS NATIVE JOURNAL - Bemidji State University
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
36 BEMIDJI STATE UNIVERSITY<br />
NAME WADAKANID<br />
GAA-ANISHINAABEWISIDOOD WILLIAM JONES<br />
GAA-AANIKE-AANJIBII’ANG JEREMY KINGSBURY *<br />
[1] Ningoding anishinaabeg gii-booziwag nandawaabamaawaad<br />
namewan; anitiin odayaanaawaan; mizhawagaam izhaawag. Mii<br />
dash inaabiwaad anaamiindim, ayaapii owaabamaawaan namewan,<br />
mii iw bazhiba’waawaad namewan. Ningoding bezhig anishinaabe<br />
madwe-giigido: “Oo, nashke gosha ezhinaagozid wa’aw name!<br />
Wadakani’ind igo moozoong ezhinaagozinid wadakani!”<br />
[2] Mii dash gakina gii-pi-izhaawaad jiimaanan ji-waabamaawaad<br />
ezhinaagozinid. “Geget wadakani!” ikidowag. “Mii sa manidooname!”<br />
[3] Mii dash zagaswaawaad, asemaan gaye gii-asaawaad<br />
nibiikaang. Gaa-ishkwaa-zagaswaawaad ingoji gii-ani-izhaawag.<br />
[4] Bezhig idash jiimaan miinawaa gii-izhaawag, miinawaa<br />
owaabamaawaan. Mii iw ezhi-odaapinang odanit, aw anishinaabe<br />
ogii-pazhiba’waan iniw namewan.<br />
[5] Apii dash mawaakibiiwinaad, mii iw waabamaad migiziwan<br />
agokenid imaa name oshtigwaaning. Mii dash gii-gichi-baapiwaad<br />
gakina anishinaabeg.<br />
* JEREMY KINGSBURY HAS STUDIED OJIBWE SINCE 2000 AND GRADUATED FROM<br />
BEMIDJI STATE UNIVERSITY WITH A MINOR IN OJIBWE IN 2007.<br />
O SHKAABEWIS N ATIVE J OURNAL V OL. 8 / NO. 1 S PRING 2011
Change language